គេតារា គេនៅឡើងគីឡូ ចុះទម្រាំតែយើង? ពេលនេះ Selena ឡើងម៉ាប់ៗ

បរទេស៖ បន្ទាប់ពីបានលេងពណ៌៌សក់ ដើម្បីត្រៀមចេញអាល់ប៊ុមថ្មី តារាចម្រៀងស្រី Selena Gomez ត្រូវបានមហាជនជាច្រើនផ្ទុះការចាប់អារម្មណ៍ ទៅលើរូបសម្រស់ដ៏ទាក់ទាញរបស់នាង ដែលមើលទៅពិតជាមានភាពសាកសមយ៉ាងខ្លាំងនឹងសក់ពណ៌ទង់ដែង បែបនេះ។ 

យ៉ាងណាមិញ នៅក្នុងវីដេអូថ្មីមួយដែលបានបង្ហោះដោយ Vogue បានធ្វើឲ្យអ្នកបណ្ដាញសង្គមជាច្រើនមើលឃើញថា តារាស្រីរូបនេះ បានឡើងទម្ងន់ហើយ និងធ្វើឲ្យសម្រស់របស់នាងហាក់់ធ្លាក់ចុះភ្លាមៗផងដែរ ជាពិសេស ការតុបតែងមុខបូករួមនឹងបបូរមាត់រលោងក្រាស់ ថែមទាំងធ្វើពួកគេបានចូលមកបញ្ចេញមតិ និងយល់ឃើញថា នៅពេលមើលសម្រស់របស់នាងពីចម្ងាយ គឺអាចមើលឃើញតែបបូរមាត់តែប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែទោះជាយ៉ាងណា នេះមិនមែនជាលើកទីមួយនោះទេ ដែល Selena ឡើងទម្ងន់ក្នុងរយៈពេលដ៏ខ្លីបែបនេះ ហើយអាចនិយាយបានថា នៅពេលដែលនាងឡើងទំងន់យ៉ាងងាយស្រួលបែបនេះ អ្នកគាំទ្ររបស់នាង ក៏មិនមានការភ្ញាក់ផ្អើលអ្វីដែរ ព្រោះពួកគេដឹងថា នាងអាចចំណាយពេល ក្នុងរយៈពេលខ្លីប៉ុណ្ណោះ ដើម្បីអនុវត្តខ្លួន ឲ្យមានភាពស្រស់ស្អាតនិងទាក់ទាញដូចមុន ផងដែរ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាអន្តរជាតិ