តាមពិតចិញ្ចៀនដែល New Chapter សុំគូស្នេហ៍រៀបការថ្ងៃមុនជារបស់ម្ដាយត្រៀមទុកឱ្យអនាគតកូនប្រសាសោះ

ថៃ៖ មហាជនគ្រប់គ្នាបានដឹងហើយថាតារាសម្ដែងប្រុសលោក New Chapter ទើបតែបានធ្វើឱ្យគ្រប់គ្នាត្រេកអរជំនួស កាលពីពេលកន្លងទៅ ដោយលោកបានសុំគូស្នេហ៍រៀបការយ៉ាងរ៉ូមែនទិចជាមួយនឹង Maysapril នៅឯមាត់សមុទ្រ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងពេលថ្មីៗនេះ New Chapter លោកក៏បាន​ ចេញមុខមកថ្លែងអំណរគុណដល់គ្រប់គ្នាដែលបានជួយឱ្យក្នុងការសុបប្រាយ៍ដល់គូស្នេហ៍ គឺ Maysapril យ៉ាងរលូនទៅមុខ និងរៀបចំឡើងបានយ៉ាងល្អ ។ ក្នុងនោះមានដូចជាទីកន្លែងសណ្ឋាគា ដោយគេក៏បានបង្ហើបថាគម្រោងការណ៍នេះគឺបានរៀបចំមកអស់រយៈពេលជាច្រើនខែមកហើយ ដើម្បីឱ្យវាមើលទៅកាន់តែអស្ចារ្យថែមទៀត។តែអ្វីដែលធ្វើឱ្យគ្រប់គ្នាមានការចាប់អារម្មណ៍ជាខ្លាំងនោះគឺ​ New Chapter លោកក៏បានអរគុណចំពោះអ្នកម្ដាយរបស់គេ ដែលបានទិញចិញ្ចៀនពេជ្រឱ្យរូបលោកក្នុងថ្ងៃដែលសុំគូស្នេហ៍រៀបការនោះផងដែរ ។

ទាំងនេះបានធ្វើឱ្យមហាជនគ្រប់គ្នាកាន់តែច្រណែននឹង Maysapril ទៀតហើយ ព្រោះមានបុរសដ៏ល្អសុំនាងរៀបការ ជាពិសេសនឹងមានម្ដាយក្មេកដ៏ល្អម្នាក់ថែមទៀតដែលបានស្រឡាញ់នាងតាំងពីដំបូងបែបនេះ៕

ប្រភព៖ Khaosod 

• តារាថៃ