ស្ងាត់ៗ Angelina Jolie លួចទៅលេងផ្ទះអតីតស្វាមីទី មួយ Jonny Lee Miller

បរទេស៖ កាលពីយប់ថ្ងៃសុក្រទី ១១ ខែមិថុនារូបភាពជាច្រើនដែលប្រមាញ់តារាសម្តែង Angelina Jolie បានទៅលេងផ្ទះរបស់តារាសម្តែងប្រុស Jonny Lee Miller ត្រូវបានចែកចាយពាលពេញ លើអ៉ីនធឺណែត ត្រូវបានមហាជនលើកមកធ្វើជាប្រធានបទគ្រប់ៗគ្នា។

ក្នុងរូបភាពទាំងនោះ តារាសម្តែងរូបនេះ បានទៅម្នាក់ឯងដោយគ្មានអង្គរក្ស បន្ទាប់មកនាងបានចាកចេញពីផ្ទះរបស់អតីតស្វាមីទី នៅម៉ោង ១០ និង ៣០ នាទី ដោយគេបានសង្កេតឃើញថា នាងបានពាក់ម៉ាស ជាមួយអាវវែងមួយហើយកាន់ដបស្រាមួយដបទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពមួយបានលើកឡើងថា Angelina បានទៅសួរសុខទុក្ខអតីតស្វាមីរបស់នាងនៅពេលនាងធ្វើដំណើរទៅញូវយ៉កជាមួយកូន ៦ នាក់នៅសប្តាហ៍នេះ ដោយតារាប្រុសវ័យ ៤៨ ឆ្នាំរូបនេះ រស់នៅក្នុងផ្ទះល្វែងមួយនៅសង្កាត់ Dumbo ក្នុងសង្កាត់ Brooklyn ។

ត្រឡប់ទៅវិញ Angelina Jolie និងតារាសញ្ជាតិអង់គ្លេស Jonny Lee Miller បានរៀបការនៅឆ្នាំ ១៩៩៦។ ពួកគេបានស្រលាញ់គ្នាពេលកំពុងសម្តែងក្នុងរឿង Hackers ក្នុងឆ្នាំ ១៩៩៥។ ពិធីរៀបការរបស់គូស្នេហ៍ទាំងពីរនៅពេលនោះបង្កឱ្យមានការភ្ញាក់ផ្អើលដោយសារតែ មេម៉ាយកូន ៦រូបនេះមានអាយុត្រឹមតែ ២០ ឆ្នាំតែប៉ុណ្ណោះ។

ទោះយ៉ាងណាបន្ទាប់ពីរស់នៅជាមួយគ្នាបានមួយឆ្នាំអ្នកទាំងពីរបានបែកបាក់គ្នាដោយស្ងាត់ៗ ។ មូលហេតុនៃការបែកបាក់គ្នាត្រូវបានគេនិយាយថាដោយសារតែគូស្នេហ៍វ័យក្មេងរស់នៅឆ្ងាយពីគ្នា។ ដោយម្នាក់នៅចក្រភពអង់គ្លេស ខណៈដែល Angelina មមាញឹកការងារជាច្រើននៅហូលីវូដ។ គូស្នេហ៍តារាបានលែងលះគ្នាជាផ្លូវការនៅឆ្នាំ ១៩៩៩ និងរក្សាទំនាក់ទំនងលក្ខណៈដូចមិត្តភក្តិជិតស្និទ្ធពីពេលនេះមក៕

ប្រភព៖ zingnews.vn

សូមទស្សនារូបភាពខាងក្រោម៖

• តារាចិន