ក្រោយធ្លាយរឿងរកាំរកូស Newclear និងប្តី ទៅសមុទ្រជាមួយគ្នា បែបស្ងាត់ៗ តែមិនបង្ហោះរូបគូ

ថៃ៖ មហាជនគ្រប់គ្នាបានដឹងរួចមកហើយជាមួយនឹងបញ្ហាគ្រួសារ​របស់ Newclear ដែលមានបញ្ហារកាំរកូសជាមួយនឹងស្វាមី ក្នុងនោះនាងក៏បានចេញមុខមកបញ្ជាក់ពីបញ្ហានេះផងដែរ ថាអ្នកទាំងពីរនឹងរកវិធីដោះស្រាយរឿងមួយនេះឱ្យល្អប្រសើរឡើងមកវិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងរយៈពេលកន្លងទៅថ្មីៗនេះ Newclear  បានចេញមកបកស្រាយនិងព្រមទទួលស្គាល់ថាខ្លួននិងស្វាមីលោក Petjah ពិតជាមានបញ្ហាជាមួយគ្នាមែន ហើយរឿងនេះមិនមែនដោយសារមានអ្នកទីបីចូលមកនោះដែល សម្រាប់រឿងនេះនាងថានឹងរកវិធីដោះស្រាយឱ្យបានល្អប្រសើរជាងនេះ ។

យ៉ាងណាមិញក្នុងពេលថ្មីៗនេះស្រាប់តែ គេបានឃើញ គូស្វាមីភរិយាមួយគូនេះទៅដើរកម្សាន្តនៅឯមាត់សមុទ្រដោយយកកូនប្រុសសំណព្វចិត្តរបស់គេទៅជាមួយយ៉ាងមានក្ដីសុខ។ ក្នុងនោះត្បិតថា Newclear និងស្វាមី មិនបានថតរូបជាគូជាមួយគ្នា ក៏ពិតមែន តែពួកគេម្នាក់ៗបានថតជាមួយនឹងកូនប្រុសហើយផុសចូលទៅក្នុងបណ្ដាញសង្គម ដោយមានទឹកមុខរីករាយ និងមើលទៅមានភាពកក់ក្ដៅនិងក្ដីសុខខ្លាំងណាស់ ។

ឃើញដូចនោះហ្វេនៗអ្នកគាំទ្រមានការចាប់អារម្មណ៍ជាខ្លាំង និងចូលទៅខមមិនឱ្យអ្នកទាំងពីរឆាប់យល់ចិត្តគ្នា ខ្លះគិតថាពួកគេទាំងពីរនាក់កំពុងតែមានសភាពដូចដើមបន្តិចម្ដងៗហើយ៕

ប្រភព៖ Kapook 

ចង់ដឹងច្បាស់សូមទៅទស្សនារូបភាពទាំងអស់គ្នា៖

• តារាថៃ