ការសិក្សា៖ ញ៉ាំផ្សិតអាចកាត់បន្ថយហានិភ័យជំងឺមហារីក!

មនុស្សប្រហែលជា៣៩,៥% បានធ្វើរោគវិនិច្ឆ័យឃើញថាខ្លួនមានជំងឺមហារីកនៅដំណាក់កាលណាមួយនៃជីវិតរបស់ពួកគេ។ ថ្វីត្បិតតែយើងមិនអាចគ្រប់គ្រងកត្តាហានិភ័យនៃជំងឺមហារីកមួយចំនួន ដូចជាហ្សែនក៏ពិតមែន ប៉ុន្តែយើងអាចជ្រើសរើសរបបអាហារសុខភាព និងបែបបទរស់នៅល្អ ដើម្បីការពារខ្លួនពីជំងឺដ៏កាចសាហាវមួយនេះ។

យោងតាមការស្រាវជ្រាវមួយចំនួនបង្ហាញថា ការញ៉ាំបន្លែនៅក្នុងបរិមាណតិចតួច អាចបង្កើនហានិភ័យនៃការវិវត្តទៅជាជំងឺមហារីកមួយចំនួន។ យ៉ាងណាមិញ គ្នាយើងអាចកាត់បន្ថយហានិភ័យទាំងនេះបាន តាមរយៈការញ៉ាំបន្លែដ៏មានឥទ្ធិពលមួយប្រភេទនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការសិក្សាអំពីគុណប្រយោជន៍នៃផ្សិត

ផ្សិតមានអត្ថប្រយោជន៍ប្រឆាំងនឹងកូលេស្តេរ៉ូល និងប្រឆាំងនឹងអាលែកហ្ស៊ី។ បន្ទាប់ពីវាយតម្លៃលទ្ធផលនៃការសិក្សាចំនួន១៧ អ្នកស្រាវជ្រាវបានរកឃើញថា ការញ៉ាំផ្សិតក្នុងបរិមាណច្រើនអាចជួយកាត់បន្ថយហានិភ័យនៃជំងឺមហារីកបានយ៉ាងមានប្រសិទ្ធភាព ជាពិសេសគឺជំងឺមហារីកសុដន់។ ជាក់ស្ដែង អ្នកដែលញ៉ាំផ្សិតចំនួន១៨ក្រាមជារៀងរាល់ថ្ងៃ មានហានិភ័យក្នុងការកើតជំងឺមហារីកទាបជាងអ្នកដែលមិនញ៉ាំផ្សិតសោះដល់ទៅ៤៥%។

១. សារធាតុSelenium

ផ្សិតគឺជាប្រភពធម្មជាតិនៃសារធាតុរ៉ែSelenium។ សារធាតុSelenium នេះ ជាសារធាតុប្រឆាំងនឹងអុកស៊ីតកម្មដែលអាចដើរតួនាទីក្នុងការកាត់បន្ថយហានិភ័យនៃជំងឺមហារីក និងជំងឺរ៉ាំរ៉ៃផ្សេងៗទៀតបានយ៉ាងអស្ចារ្យ។

២. វីតាមីនB

ជាមួយគ្នានេះដែរ ផ្សិតសំបូរទៅដោយវីតាមីនB រួមមានRiboflavin, Niacin និងអាស៊ីដPantothenic ជាការរួមផ្សំដែលជួយការពារសុខភាពបេះដូង។ ម្យ៉ាងវិញទៀត សារធាតុRiboflavinជួយទ្រទ្រង់កោសិកាឈាមក្រហម ហើយសារធាតុNiacinល្អខ្លាំងសម្រាប់ប្រព័ន្ធរំលាយអាហារ ក៏ដូចជាថែរក្សាស្បែកឲ្យមានសុខភាពល្អ។

៣. ប៉ូតាស្យូម

លើសពីនេះ ប៉ូតាស្យូមដែលមាននៅក្នុងផ្សិតមានសារសំខាន់ណាស់សម្រាប់មុខងារបេះដូង សាច់ដុំ និងសរសៃប្រសាទ។ ផ្សិតចំនួន២/៣ពែង មានកម្រិតប៉ូតាស្យូមខ្ពស់ ដែលអាចស្មើនឹងផ្លែចេកទំហំមធ្យមមួយផ្លែ។

៤. វីតាមីនD

ការស្រាវជ្រាវបានភ្ជាប់កង្វះវីតាមីនD ទៅនឹងស្ថានភាពសុខភាពជាច្រើន ដូចជាទឹកនោមផ្អែម ជំងឺសរសៃឈាមបេះដូង ជំងឺរលាកពោះវៀននិងជំងឺមហារីកមួយចំនួន។ ដូច្នេះហើយ ដើម្បីបញ្ចៀសការកើតជំងឺដ៏កាចសាហាវទាំងនេះ គ្នាយើងគប្បីបន្ថែមអាហារដែលសំបូរទៅដោយវីតាមីនDឲ្យបានគ្រប់គ្រាន់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ការ​សិក្សា​៖ ញ៉ាំ​ផ្សិត​អាចកាត់បន្ថយ​ហានិភ័យ​ជំងឺ​មហារីក​!

ការ​សិក្សា​អំពី​គុណប្រយោជន៍​នៃ​ផ្សិត​

១. សារធាតុ​Selenium

២. វីតាមីន​B

៣. ប៉ូតាស្យូម​

៤. វីតាមីន​D

In Case You Missed It