តែ ជាភេសជ្ជៈមួយ អាចធ្វើឲ្យនោមញឹកញាប់!

មានអាហារមួយចំនួនអាចធ្វើឲ្យប្លោកនោមរលាក រួមទាំងភេសជ្ជៈមួយប្រភេទ គឺតែ។ ជាក់ស្ដែង តែមិនត្រឹមតែធ្វើឲ្យប្លោកនោមរលាកប៉ុណ្ណោះទេ ប៉ុន្តែវាក៏មានផ្ទុកសមាសធាតុបញ្ចុះទឹកនោម ដែលធ្វើឲ្យយើងនោមញឹកញាប់ផងដែរ។

អាហារធ្វើឲ្យប្លោកនោមរលាក

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែគឺជាក្រុមភេសជ្ជៈដែលមានផ្ទុកសារធាតុគីមី ឬសារធាតុផ្សំដែលធ្វើឲ្យប្លោកនោមរលាក ដោយវាមានផ្ទុកកាហ្វេអ៊ីន និងថ្នាំបញ្ចុះទឹកនោមធម្មជាតិ។ សមាសធាតុផ្សំទាំង២នេះ អាចធ្វើឲ្យយើងនោមញឹកញាប់។ អាហារដទៃទៀតដែលធ្វើឲ្យប្លោកនោមរលាក រួមមាន៖

កាហ្វេ
ប៉េងប៉ោះ
គ្រឿងស្រវឹង
ទឹកខ្មេះ
ផ្លែឈើមានជាតិអាស៊ីដ និងទឹកផ្លែឈើ
សូកូឡា
ភេសជ្ជៈដែលមានជាតិកាបូន

ប្រសិនបើយើងនោមញឹកញាប់ ឬមានបញ្ហាទាក់ទងនឹងប្លោកនោម ដូចជារលាកប្លោកនោម យើងគប្បីកាត់បន្ថយអាហារដែលបណ្ដាលឲ្យរលាកមួយរយៈ។ ការរលាកប្លោកនោមនឹងថយចុះនៅក្នុងរយៈពេលពីរបីថ្ងៃ។ នៅពេលដែលប្លោកនោមលែងរលាក យើងក៏មិននោមញឹកញាប់ដូចគ្នា។ បន្ថែមពីនេះ គ្នាយើងចាំបាច់ត្រូវញ៉ាំទឹកឲ្យបានច្រើន ប្រសិនបើមានរោគសញ្ញារលាកប្លោកនោម។

ជាតិកាហ្វេអ៊ីន និងការនោម

តែជាច្រើនមានផ្ទុកជាតិកាហ្វេអ៊ីន ដែលជាថ្នាំបញ្ចុះទឹកនោមធម្មជាតិ។ ខណៈដែលតែមានបរិមាណកាហ្វេអ៊ីនខុសៗគ្នា បរិមាណណាមួយក៏អាចធ្វើឲ្យយើងនោមញឹកញាប់ដែរ។ យោងតាមCleveland Clinic កាហ្វេអ៊ីនធ្វើឲ្យប្លោកនោមកន្ត្រាក់ញឹកញាប់ ហើយការកន្ត្រាក់នេះធ្វើឲ្យយើងឈឺនោម។ ការកាត់បន្ថយការញ៉ាំជាតិកាហ្វេអ៊ីននៅក្នុងរបបអាហារអាចជួយកាត់បន្ថយការនោមញឹកញាប់បាន។

ថ្នាំបញ្ចុះទឹកនោមធម្មជាតិ

ផលិតផលតែធម្មជាតិជាច្រើនប្រភេទ ក៏មិនមានជាតិកាហ្វេអ៊ីនដែរ ប៉ុន្តែវាអាចធ្វើឲ្យយើងនោមញឹកញាប់ ពីព្រោះវាផលិតចេញពីថ្នាំបញ្ចុះទឹកនោមធម្មជាតិ។ ជាក់ស្ដែង តែបៃតង គឺជាភេសជ្ជៈសុខភាពដ៏ពេញនិយម និងគ្មានជាតិកាហ្វេអ៊ីន ប៉ុន្តែវាក៏អាចធ្វើឲ្យយើងនោមញឹកញាប់។

មូលហេតុដទៃទៀតធ្វើឲ្យនោមញឹកញាប់

ខណៈដែលការញ៉ាំតែអាចបណ្ដាលឲ្យយើងនោមញឹកញាប់ មូលហេតុដទៃទៀតក៏មានជាប់ពាក់ព័ន្ធនឹងការនោមញឹកញាប់នេះដែរ ប៉ុន្តែវាអាចជាសញ្ញានៃបញ្ហាសុខភាពធ្ងន់ធ្ងរដូចជា៖

ទឹកនោមផ្អែម
ជាតិកាល់ស្យូមច្រើនពេក និងតិចពេកនៅក្នុងរាងកាយ
ការបង្កររោគលើផ្លូវទឹកនោម
ខូចតម្រងនោម
ក្រពេញប្រូស្តាតរីកធំ
ការប្រើប្រាស់ថ្នាំដែលមានសារធាតុបញ្ចុះទឹកនោម។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

តែ ជា​ភេសជ្ជៈ​មួយ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​ អាចធ្វើ​ឲ្យ​នោម​ញឹកញាប់!

អាហារ​​ធ្វើ​ឲ្យ​ប្លោក​នោម​រលាក​

ជាតិ​កាហ្វេអ៊ីន​ និង​ការ​នោម​

ថ្នាំ​បញ្ចុះ​ទឹក​នោម​ធម្មជាតិ​

មូលហេតុ​ដទៃ​ទៀត​​ធ្វើ​ឲ្យ​​នោម​ញឹកញាប់

In Case You Missed It

តែ ជាភេសជ្ជៈមួយ អាចធ្វើឲ្យនោមញឹកញាប់!

អាហារធ្វើឲ្យប្លោកនោមរលាក

ជាតិកាហ្វេអ៊ីន និងការនោម

ថ្នាំបញ្ចុះទឹកនោមធម្មជាតិ

មូលហេតុដទៃទៀតធ្វើឲ្យនោមញឹកញាប់