គូស្នេហ៍ប្រុសវ័យក្មេង ម៉ៃកូ និងវ៉ាន់ថៃ កាន់តែផ្អែមល្ហែម និង​បើកចំហរឹតតែខ្លាំង

ភ្នំពេញ៖ ថ្មីៗនេះ អ្នកលេងបណ្ដាញសង្គមកំពុងចាប់អារម្មណ៍លើគូស្នេហ៍ប្រុសមួយគូ ដែលបានថតរឿងសិស្សសាលាប្រភេទ BL។ បើទោះបីរឿងមួយនេះមិនទាន់បានចេញជាផ្លូវការ តែមានអ្នកចាប់អារម្មណ៍ច្រើន ដោយសារអ្នកដឹកនាំរឿងបានយកតួអង្គគូស្នេហ៍ពិតៗមកលេងផ្ទាល់។ អ្វីដែលពិសេស តួអង្គមានវ័យក្មេងបែបយុវវ័យ និងធ្លាប់បានសម្ដែងរឿងជាច្រើនកន្លងមកផងដែរ។

យ៉ាងណាមិញ ហើយគូស្នេហ៍ប្រុសមួយនោះគឺជាលោក លី ម៉ៃកូ និងលោក វ៉ាន់ថៃ ដោយអ្នកទាំងពីរបានសម្រេចចិត្តទាក់ទង និងស្វែងយល់ចិត្តគ្នាបានច្រើនឆ្នាំមកហើយ។ ពិតណាស់តារាសម្ដែងពីរនេះទាក់ទងគ្នាដោយបើកចំហរ និងមានអ្នកគាំទ្រជាច្រើនរំភើបពេលឃើញពួកគេនៅជាមួយគ្នាបែបនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះទៅទៀត លោក លី ម៉ៃកូ និងលោក វ៉ាន់ថៃ តែងតែធ្វើឲ្យអ្នកគាំទ្រច្រណែននូវជីវិតគូស្នេហ៍អ្នកទាំងពីរជានិច្ច។ ស្ទើរតែគ្រប់ពេលទៅហើយ ដែលគូស្នេហ៍មួយគូនេះតែងតែបង្ហោះរូប និងផុសstoryស្វីតៗលើបណ្ដាញសង្គមឲ្យហ្វេនបានឃើញ។ មិនតែប៉ុណ្ណោះ បើក្រឡេកទៅមើលរូបសម្បត្តិវិញ គូស្នេហ៍មួយគូនេះមានមុខមាត់ស្អាត សង្ហារមិនចាញ់គ្នាប៉ុន្មានឡើយ។ ក្នុងនោះដែរ បើទោះបីគូស្នេហ៍មួយគូនេះស្រលាញ់ភេទដូចគ្នា តែក៏មានការគាំទ្រពីអ្នកលេងបណ្ដាញសង្គម ជាពិសេសហ្វេនតារាពីររូបនេះតែម្ដងបានលើកទឹកចិត្ត និងចង់ឃើញគូស្នេហ៍មួយគូនេះស្រលាញ់គ្នារហូតទៀតផង៕

សូមទស្សនារូបភាពខាងក្រោម៖ 

• ស្នេហា
• រូបភាព
• តារាខ្មែរ