បរទេស៖ Jennifer Pamplona មានអាយុ ២៨ ឆ្នាំបានធំដឹងក្តីនៅប្រេស៊ីល នាងគឺជាអ្នកគាំទ្ររបស់ទូរទស្សន៍ Kim Kardashian។ ហេតុដូច្នេះហើយនាងតែងតែប្រាថ្នាចង់បាននូវរូបរាងដ៏កាចសាហាវ ក៏ដូចជាស្រឡាញ់ភាពល្បីល្បាញនិងតែងតែចង់មានជីវិតដ៏ប្រណិតដូចជាអាយដលរបស់នាងផងដែរ។
Jennifer បាននិយាយថាកុមារភាពរបស់នាងមិនសប្បាយចិត្តនោះទេ នៅពេលដែលនាងតែងតែប្រឈមមុខនឹងការសើចចំអកអំពីរូបរាងរបស់នា។ ដោយ Jennifer មានរាងកាយតូចនិងស្គមជាងមុនដូច្នេះនាង តែងតែទាក់ទាញចំណាប់អារម្មណ៍របស់មនុស្ស។ នាងចងចាំថាមានមិត្តម្នាក់ ជារឿយៗតែងប្រាប់នាងថា នាងមានមុខមាត់ស្អាតប៉ុន្តែរាងកាយរបស់នាងមិនសាកសមសោះ ដែលជាហេតុធ្វើឱ្យJenniferខូចចិត្តជាខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស![](https://s9.kh1.co/77/77e07f0e964240cd41715d4d3d3dfc341588e003.jpg)
ទន្ទឹមនឹងនេះ ដោយសារតែ Jennifer មានរាងខ្ពស់និងស្គម នាងក៏មានការលេងសើចនិងធ្វើបាបដោយក្មេងស្រីដ៏ទៃផងដែរ។ ក្នុងអំឡុងពេលសិក្សា Jennifer ជារឿយៗត្រូវស្លៀកសម្លៀកបំពាក់រលុងដើម្បីលាក់ខ្លួននិងកុំឲ្យមានការចាប់អារម្មណ៍។ ចាប់ពីពេលនោះមក នៅអាយុ ១៧ ឆ្នាំ Jennifer បានបញ្ចុះបញ្ចូលជីដូនរបស់នាងឱ្យចុះហត្ថលេខាលើឯកសារ ដើម្បីឱ្យនាងមានការវះកាត់សុដន់ បន្ទាប់ពីការវះកាត់លើកដំបូង Jennifer តែងតែមានអារម្មណ៍ថាត្រូវការកែប្រែផ្នែកជាច្រើននៃរាងកាយរបស់នាងទៀត។
![](https://s9.kh1.co/4d/4d413e399fbc548df942e9fb78b0f55b6efbd1b6.png)
ក្នុងរយៈពេលជាង ១០ ឆ្នាំ Jennifer បានធ្វើការវះកាត់ជាង ៤០ ដង ការចំណាយសរុបដែល Jennifer បានចំណាយលើការវះកាត់មានទឹកប្រាក់ប្រមាណ ៦០ ម៉ឺនដុល្លារអាមេរិក ជាមួយនឹងការលើកកំប៉េះគូទ ១០ដង ពង្រីកសុដន់ ៣ដង ច្រមុះ ២ដង ចាក់ថ្នាំបបូរមាត់ និងលើកមុខ។ ក្នុងនោះនាងបាននិយាយថា ក្លាយជាមនុស្សជំនាន់ក្រោយរបស់ Kim នាងធ្លាប់ព្យាយាមធ្វើត្រាប់តាម Kim ទាំងយប់ទាំងថ្ងៃ។
មិនត្រឹមតែប៉ុណ្ណោះ Kim Kardashian ពិតជាមានឥទ្ធិពលយ៉ាងខ្លាំងទៅលើ Jennifer ហើយនាងក៏ចូលចិត្តស្ទីលនិងម៉ូតរបស់ Kim Kardashian ផងដែរ។ ប៉ុន្តែនាងក៏បានសារភាពផងដែរថា ការលំបាករបស់នាងគឺស្ថិតនៅលើការពិតដែលថាឥទ្ធិពលរបស់ Kim Kardashian គឺធំធេងពេកហើយដែលរហូតដល់ Jennifer ហ៊ានទទួលការវះកាត់ដើម្បីក្លាយជា Kimបែបនេះ ៕
![](https://s9.kh1.co/ef/ef21ea56c83ac002db1e3ba85a27debc882676dd.jpg)
![](https://s9.kh1.co/eb/eb907c8e9f0bda9fed8a02570d5dcd59b0dd68ec.jpg)
ប្រភព៖ ngoisao
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]