ជាសង្សារសំណព្វទៅហើយ ត្រឹមឡានទំនើបមួយរឿងអី ដែលគូស្នេហ៍ Due មិនហ៊ានទិញឲ្យក្នុងថ្ងៃខួបកំណើត

ថៃ៖ គឺជារឿងដ៏រំភើបយ៉ាងខ្លាំង នៅក្នុងថ្ងៃខួបកំណើតរបស់តារាស្រី Due Arisara នៅក្នុងឆ្នាំនេះ ដែលត្រូវបានគូស្នេហ៍ស្រស់សង្ហា បង្កភាពភ្ញាក់ផ្អើល ដោយបានរៀបចំកាំជ្រួច និងមើលពន្លឺភ្លើងជាមួយគ្នាយ៉ាងរ៉ូមែនទិក។ 

មិនត្រឹមតែប៉ុណ្ណោះ នៅក្នុងថ្ងៃខួបកំណើតឈានចូលវ័យ ៣១ ឆ្នាំ របស់នាង លោក Sebastian ដែលត្រូវជាគូស្នេហ៍បណ្ដូលចិត្ត ថែមទាំងមានកាដូពិសេសៗជាច្រើនទៀត រួមមានទាំង នំខួបកំណើតដែលបានរៀបចំយ៉ាងស្រស់ស្អាត ព្រមទាំងរបស់ប្រើប្រាស់ម៉ាកល្បីៗដែលមានតម្លៃថ្លៃ ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែ ជាមួយនឹងកាដូជាច្រើន នៅក្នុងចំណោមនោះ បានធ្វើឲ្យហ្វេនៗមានការចាប់អារម្មណ៍យ៉ាងខ្លាំង  ខណៈពេលដែលបានឃើញ លោក Sebastian ទិញឡានស៊េរីទំនើបយ៉ាងប្រណីត ម៉ាក Lamborghini ពណ៌ក្រហម ដែលមានតម្លៃ ២៥ លានបាត(ប្រហាក់ប្រហែលនឹង ៧៩ ម៉ឺនដុល្លា) ដែលអាចនិយាយបានថា នេះគឺជាកាដូដ៏ធំបំផុតសម្រាប់នាងនៅក្នុងឆ្នាំនេះ ថែមទៀតផង៕

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ