ទោះរស់នៅបែកគ្នាយូរ ក៏ជីវិតអាលីហ្សា នៅតែ​មានក្តីសុខ

អាមេរិក៖ រយៈពេល២ឆ្នាំហើយ ដែលតារាសម្ដែងស្រីអ្នកនាង អ៊ុន អាលីហ្សា បានរៀបការកសាងជីវិតគ្រួសារមកទល់បច្ចុប្បន្ន។ ក្នុងនោះដែរ គេដឹងថាតារារូបនេះរៀបការជាមួយអនិកជនរស់នៅលើទឹកដីអាមេរិកទៀតផង។ ជាមួយគ្នានេះដែរ ស្របពេលដែលនាងមានផ្ទៃពោះស្វាមីនាងបានទៅអាមេរិកវិញ ដើម្បីបំពេញការងារផងដែរ។

បើទោះបី ពេលពរពោះកូនដំបូងអ្នកនាង អ៊ុន អាលីហ្សា មិនមានស្វាមីនៅក្បែរ ចាំជួយមើលថែនាងដូចប្ដីប្រពន្ធដទៃក៏ពិតមែន តែនាងនៅតែរឹងមាំអាចមើលថែខ្លួនឯងនឹងកូនក្នុងពោះបានយ៉ាងល្អ។ ពិតណាស់ ក្រោយពរពោះអស់ជាច្រើនខែ តារារូបនេះក៏សម្រាលបានកូនស្រីម្នាក់ដោយសុវត្ថិភាព ចំពោះកូនស្រីនាងវិញ ឃើញថាមានមុខមាត់ស្រស់ស្អាត ឃ្យូតខ្លាំងតែម្ដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែងបន្ទាប់ពីសម្រាលកូនរួច មើលថែកូនតែម្នាក់ឯងអស់ជាច្រើនខែនោះ កាលពីពេលថ្មីៗនេះ អ្នកនាង អ៊ុន អាលីហ្សា បាននាំកូនស្រីទៅអាមេរិក ដើម្បីជួបស្វាមីក្រោយបែកគ្នាជាច្រើនខែកន្លងមក។ ស្របពេលបានទៅដល់អាមេរិកភ្លាម គេសង្កេតឃើញ អ្នកម៉ាក់សម័យថ្មីរូបនេះ បានថតរូបជុំកូនស្រី និងស្វាមី បង្ហាញពីសេចក្ដីសុខក្នុងគ្រួសារយ៉ាងកក់ក្ដៅតែម្ដង។ ហើយអ្វីដែលកាន់តែចាប់អារម្មណ៍នោះ រាល់រូបភាព នាងតែងតែងបង្ហាញស្នាមញញឹម និងភាពរីករាយជានិច្ច៕

សូមទស្សនារូបភាពខាងក្រោម៖ 

• គ្រួសារ
• រូបភាព
• តារាខ្មែរ