ឈឺចាប់ស្អិតទ្រូងយូរអី! ក្រោយស្ងាត់មួយរយៈតារាកូរ៉េទាំងនេះ សម្រេចត្រលប់ចូលធ្វើការធម្មតា

កូរ៉េខាងត្បូង៖ ជាការពិតណាស់ ក្រោយមានរឿងរ៉ាវអាស្រូវមួយចំនួនមក តារាស្រីកូរ៉េទាំងប៉ុន្មានដួងនេះ បានស្ងប់ស្ងាត់ និង បង្វែរខ្លួនចេញពីវិស័យសិល្បៈអស់មួយរយៈពេលធំ យ៉ាងណាមិញ បន្ទាប់ពីនោះមក Song Hye Kyo, Jun Ji Hyun, Han Hyo Joo និង Han Chae Young សុទ្ធតែបានត្រឡប់មកវិញជាមួយនឹងគម្រោងថ្មីរបស់ពួកគេរៀងៗខ្លួន មុនពេលនោះពួកគេពិតជាស្ងប់ស្ងាត់ហើយកម្រនឹងបង្ហាញខ្លួននៅលើអេក្រង់ខ្លាំងណាស់ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បន្ទាប់ពីស្ងាត់ស្ងៀមអស់រយៈពេលជាយូរមកហើយ Song Hye Kyo ក៏បានត្រលប់មកវិញជាមួយគម្រោងខ្សែភាពយន្តចំនួន ២ គឺ «I'm Breaking Up និង  The Glory»  ។ ដោយខ្សែភាពយន្ត «I'm Breaking Up» គ្រោងនឹងចាក់ផ្សាយនៅក្នុងខែតុលាដែលនិពន្ធដោយអ្នកនិពន្ធរឿង Jane Kang  នៅក្នុងខ្សែភាពយន្តនេះ Song Hye Kyo ដើរតួជាអ្នកដឹកនាំម៉ូដឆ្លាតវៃ។

ទន្ទឹមនឹងនេះ គំរោងខ្សែភាពយន្ត «The Glory» ត្រូវបានគេរំពឹងទុកច្រើនបំផុតព្រោះវាទាក់ទងនឹងប្រធានបទនៃការសងសឹក។ The Glory សន្យាថានឹងបង្ហាញការផ្លាស់ប្តូររបស់ Song Hye Kyo ក្នុងការសម្ដែងនិងរូបភាពជាច្រើន។

យោងតាមសារព័ត៌មាន Newsis បានរាយការណ៍នៅថ្ងៃទី ១៩ ខែមិថុនា ថាអ្នកចាត់ការទូទៅរបស់ទូរទស្សន៍ tvN បាននិយាយថារឿងភាគថ្មី«Mt. Jirisan»បានបញ្ចប់ការថតនៅក្នុងខែមិថុនាហើយគ្រោងនឹងចាក់ផ្សាយនៅពាក់កណ្តាលឆ្នាំនេះ។ ដោយនេះ ជាខ្សែភាពយន្តដែលមានខ្លឹមសារអាថ៌កំបាំងទាក់ទងនឹងរឿងរ៉ាវរបស់អ្នកឡើងភ្នំក្នុងដំណើរនៃការរកឃើញJ irisan។ ខ្សែភាពយន្តនេះ បង្ហាញពីការវិលត្រឡប់របស់ Jun Ji Hyun បន្ទាប់ពី ៥ ឆ្នាំចាប់តាំងពីរឿងព្រេងនៃ «Blue Sea» យ៉ាងណាមិញ Jun Ji Hyun និង Song Hye Kyo អាចប្រឈមមុខដាក់គ្នាប្រសិនបើគម្រោងខ្សែភាពយន្តរបស់ពួកគេចាក់ផ្សាយនៅចុងឆ្នាំ។

ទន្ទឹមនឹងនេះ Han Hyo Joo ជាធម្មតាផ្តោតសំខាន់លើខ្សែភាពយន្ត នាងកម្រចូលរួមក្នុងរឿងភាគទូរទស្សន៍ណាស់។ នៅឆ្នាំ ២០១៦ នាងបានបង្ហាញខ្លួននៅក្នុងគម្រោង W ជាមួយ Lee Jong Suk បន្ទាប់មកផ្តោតលើឧស្សាហកម្មភាពយន្ត។ ស្របពេលនោះ​ នៅឆ្នាំ ២០១៩ Han Hyo Joo ក៏បានថតគម្រោងរឿងល្ខោនមួយដែរ តែនៅអាមេរិកវិញគឺរឿង «Treadstone» ដែលសម្តែងជាមួយតារាសម្តែង Omar Metwally  ដោយ រឿងភាគនេះ កំពុងចាក់ផ្សាយលើកញ្ចក់ទូរទស្សន៍ OCN ។។

កាលពីថ្ងៃទី ១៧ ខែមិថុនានាង Han Chae Young ដែលជាតារាសម្តែងដែលត្រូវបានគេអោយឈ្មោះថា តុក្កតាកូរ៉េ បានបញ្ជាក់ថានាងនឹងដើរតួជាតួឯកនៅក្នុងរឿងភាគថ្មី«Desire» នៅលើប៉ុស្តិ៍ IHQ ។ យោងតាមប្រភពព័ត៌មានពី Star YTN បានអោយដឹងថាខ្សែភាពយន្តដំបូងនៅថ្ងៃទី ៥ ខែកក្កដានេះគឺជាខ្សែភាពយន្តភ័យរន្ធត់ដែលមានធាតុផ្សំស្នេហារវាងមនុស្សដែលរត់ចេញពីបញ្ហាផ្សេងៗក្នុងជីវិត។

ប្រភព៖ zingnews

• តារាកូរ៉េ