កូនៗទុកមួយឡែក! មកមើលប៉ាៗ សិរីមន្ត និងភរិយា ផ្អែមល្ហែមកម្លោះក្រមុំល្មមៗសុំខ្មាស

តារាកម្សាន្ត: ក្រោយចាប់ដៃគ្នាកសាងជីវិតគ្រួសារយ៉ាងមានសុភមង្គល តារាចម្រៀងដ៏ល្បីលោក ខេមរ:សិរីមន្ត និងភរិយា បានធ្វើឲ្យមហាជន ជាពិសេសអ្នកគាំទ្ររូបលោកមានការភ្ញាក់ផ្អើលជាខ្លាំង ដោយកាលពីពេលថ្មីកន្លងទៅនេះរូបថតជាច្រើនសន្លឹកបង្ហាញភាពផ្អែមល្អែមរវាងលោក និងភរិយាកំពុងពេលដែលកម្សាន្តនៅរមណីយដ្ឋាន ទឹកជ្រោះប៊ូស្រា ខេត្តមណ្ឌលគិរី ត្រូវបានបង្ហោះនៅលើបណ្តាញសង្គមហ្វេសប៊ុក រហូតមានអ្នកនិយមគាំទ្រលោកជាច្រើននាក់ នាំគ្នាចូលទៅបញ្ចេញមតិ និងreact រូបបេះដូងជាច្រើនផងដែរ។

សូមរំលឹកផងដែលថា ក្រោយបាន​រៀប​ការ​ជាមួយនឹងឧត្តមភរិយានៅ​ឆ្នាំ​ ២០០៩មក តារាចម្រៀងសាច់ដុំកង់ៗ សម្លេងធ្ងន់ល្អលោកខេមរ: សិរីមន្ត និងភរិយា បានចាប់ដៃកសាងគ្រួសារបានយ៉ាងល្អ ដោយពុំមានព័ត៌មានដែលមិនល្អណាមួយនិយាយពាក់ព័ន្ធជាមួយនឹង ជីវិតរបស់អ្នកទាំងពីរឡើយ ផ្ទុយទៅវិញអ្នកទាំងពីរតែងតែបង្ហាញគំរូល្អៗជានិច្ច ដោយលោក និងភរិយា ក៏ទទួលបានចំណងដៃកូនប្រុសស្រីដ៏ស្រស់ស្អាតចំនួន៣នាក់ផងដែរ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចង់ដឹងថាតើ លោកខេមរ: សិរីមន្ត និងភរិយាស្វីត និងផ្អែមល្អែមដ៏កម្រិតណានោះ សូមទស្សនារូបភាពខាងក្រោមនេះទាំងអស់គ្នា៖

• ខេមរៈ​ សិរីមន្ត
• គ្រួសារ
• រូបភាព
• តារាខ្មែរ