អ្នកណាខ្លះថា Justin ស្លុយៗ? មើលគេផង សុទ្ធជួបពិភាក្សាជាមួយប្រធានាធិបតីបារាំង

បារាំង៖ នៅថ្ងៃទី ២២ ខែមិថុនានេះ បើយោងតាមសារព័ត៌មាន Independent តារាចម្រៀងប្រុស Justin Bieber និងភរិយានាង​ Hailey Bieber បានជួបប្រជុំជាមួយប្រធានាធិបតី Emmanuel Macron ។ ដំណើរទស្សនកិច្ចនេះបានធ្វើឡើងនៅវិមាន Elysée ដែលជាគេហដ្ឋានផ្លូវការរបស់ប្រធានាធិបតីបារាំង នៅក្នុងទីក្រុងប៉ារីស។

យោងតាម BFMTV បានឱ្យដឹងថាតារាប្រុស ២៧ឆ្នាំរូបនេះ គឺជាអ្នកដែលបានស្នើសុំជំនួប និងចែករំលែកទស្សនៈរបស់គាត់លើវិស័យតន្រ្តី ជាមួយប្រធានាធិបតីបារាំង ជាមួយនឹងប្រមុខរដ្ឋពិភាក្សាអំពីបញ្ហាដែលទាក់ទងនឹងយុវជន និងចម្រៀងអន្តរជាតិ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងទៅតាមរូបភាពរបស់ Soazig de la Moissonnière ដែលអ្នកថតរូបផ្លូវការរបស់ប្រធានាធិបតីបារាំង បានចែករំលែករូបថតជាច្រើនសន្លឹករបស់តារាល្បី គូស្វាមីភរិយានេះ ដែលបានជួបលោក Macron និងភរិយាអ្នកស្រី Brigitte Macron ។

គួររំលឹកថា តារាចម្រៀងប្រុសរូបនេះមានឈាមជ័របារាំង កាត់កាណាដា ហេតុដូច្នេះ រូបលោកអាចនិយាយភាសាបារាំងយ៉ាងស្ទាត់ជំនាញផងដែរ។ យ៉ាងណាមិញជំនួបនេះ ត្រូវបានធ្វើឡើង ដោយក្នុងរយៈពេលប៉ុន្មានថ្ងៃថ្មីៗនេះ Justin Bieber និងភរិយាបានទៅប្រទេសបារាំងដើម្បីធ្វើដំណើរកម្សាន្ត៕

ប្រភព៖ zingnews

សូមទស្សនារូបភាពខាងក្រោម៖

• តារាអន្តរជាតិ