ជីវិតគេសំណាងម្ល៉េះ? តួឯករឿង Harry Potter ស្នងមរតករហូតដល់់ទៅ១១១លានដុល្លារ កម្សត់តែមិនទាន់មានប្រពន្ធ

អង់គ្លេស: យោងតាមការចុះផ្សាយរបស់សារព័ត៌មានដ៏ល្បី Uktime News របស់ចក្រភពអង់គ្លេស បានអោយដឹងថា តារាសម្តែងប្រុសសង្ហា ដែលជាតួឯកក្នុងរឿង Harry Potter លោក Daniel Radcliffe នឹងក្លាយទៅជាអ្នកស្នងមរតកបន្តដែលមានទ្រព្យសរុបដល់ទៅ ៨០ លានផោន (ប្រហែល ១១១ លានដុល្លារសហរដ្ឋអាមេរិក) ដែលជាចំនួនស្មើនឹងទ្រព្យសម្បត្តិរួមរបស់ក្រុមហ៊ុនដែលកាន់កាប់ដោយឪពុកម្តាយរបស់តារាសម្តែងរូបនេះ។

សូមរំលឹកផងដែលថា លោក  Daniel Radcliffe គឺជាតារាសម្តែងហូលីវូដ ដែលលោកបានចូលរួមសម្តែងជាច្រើនលើកនៅក្នុងរឿង Harry Potter ដែលជាស្នាដៃនិពន្ធរបស់អ្នកដឹកនាំរឿង និងអ្នកនិពន្ធស្រីដ៏ល្បីមានលុយវាល់លាន លោកស្រី J.K. Rowling ចាប់តាំងពីឆ្នាំ២០០១មកម្ល៉េះ។ បន្ថែមលើសពីនេះទៅទៀត លោក Daniel Radcliffe ក៏ជាតួសម្តែងដ៏មានប្រជាប្រិយមួយរូប ដោយសារតែអំណោយផលពីធម្មជាតិនៅមុខមាត់ដ៏ស្រស់សង្ហា លោកក៏ត្រូវបានគេចាត់ទុកថាជាតារាសម្តែងដ៏មានទេពកោសល្យ និងរូបសម្រស់ដ៏ស្រស់សង្ហាម្នាក់ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ចំណែករឿងអាពាហ៍ពិពាហ៍វិញ លោកនៅមិនទាន់មានប្រពន្ធ ឬគូដណ្តឹងនៅឡើយទេ ប៉ុន្តែលោក Daniel Radcliffe និងនាង Erin Darke ត្រូវបានមហាជនសម្លឹងមើលឃើញថាអ្នកទាំងពីរជាដៃគូសម្តែងដ៏ស្និតស្នាលចាប់តាំងពីឆ្នាំ២០១៣មកម្ល៉េះ៕

• ជីវិត
• រូបភាព
• តារាអន្តរជាតិ