ភ្នំពេញ៖ ថ្ងៃទី២៤ ខែមិថុនា ឆ្នាំ២០២១ ការបរិច្ចាគរបស់អ្នកគ្រប់កាក់សេននឹងជាការចូលរួមបោះជំហ៊ានទៅមុខដ៏មានសក្ដានុពលដើម្បីសម្រេចគោលដៅនៅឆ្នាំ២០២៥ ប្រទេសកម្ពុជាគ្មានគ្រាប់យុទ្ធភ័ន្ធមិនទាន់ផ្ទុះ។ ដោយរងការ វាយប្រហារដោយសង្គ្រាមអស់រយៈពេលជិត ៣០ឆ្នាំប្រទេសកម្ពុជាត្រូវបានគេប៉ាន់ស្មានថាមានគ្រាប់សំណល់ជាតិផ្ទុះពីសង្គ្រាមប្រមាន ៥-៦ លានគ្រាប់។ ជួយសង្គ្រោះជីវិតប្រជាជន និងកុមារកម្ពុជាដទៃទៀត ដោយចូលរួមបរិច្ចាគតាមរយៈកម្មវិធីធនាគារចល័តភីភីស៊ីប៊ែង។ ការផ្ដល់ត្រឡប់ទៅដល់កិច្ចការងារសង្គមគឺជាការចូលរួមដ៏មាន តម្លៃខ្ពស់បំផុតក្នុងនាមជាក្រុមហ៊ុនឯកជនក្នុងស្រុក ដែលគាំទ្រដល់ប្រតិបត្តការសម្អាតសំណល់ជាតិផ្ទុះផ្ដល់ត្រឡប់នូវឥទ្ធិពលវិជ្ជមានដល់ប្រជាជនដែលរស់នៅ តំបន់គ្រោះថ្នាក់ទាំងនោះមិនអាចកាត់ថ្លៃបាន។ ហេតុនេះដូចនេះយើងក៏បានចាប់ផ្ដើមបង្កើតមូលនិធិ “Apopo Fundraising Campaign” ដោយធនាគារភីភីស៊ីប៊ែង នឹងបរិច្ចាគ១ដុល្លាររាល់ការបរិច្ចាគ ១ដុល្លាររបស់សប្បុរសជន។
ជាក់ស្តែងណាស់ជម្ងឺរាតត្បាតសាកលបានបណ្ដាលឲ្យសេដ្ឋកិច្ចពិភពលោកទាំងមូលត្រូវរង ការប៉ះពាល់យ៉ាងធ្ងន់ធ្ងរក៏ដូចជា សេដ្ឋកិច្ចក្រុមគ្រួសារនីមួយៗ។ ហេតុដូចនេះធនាគារចល័តភីភីស៊ីប៊ែងមានក្ដីសង្ឃឹមយ៉ាងមុតមាំថាប្រតិបត្តិការបោសសម្អាតមីន នឹងផ្តល់ដីកសិកម្មដែលគ្មានមានហានិភ័យ ពីគ្រាប់មីនជូនកិសិករដើម្បីឲ្យពួកគាត់អាចបង្កបង្កើនផលដំណាំនិង ផ្គត់ផ្គង់ការរស់នៅក្នុងកាលៈទេសៈដ៏លំបាកនេះ ។
នៅឆ្នាំ២០២០ ជាមួយការឧបត្ថម្ភរបស់ធនាគារចល័តភីភីស៊ីប៊ែង និងក្រុមការងារអាប៉ូប៉ូបានបោសម្អាតដីប្រមាណ ២,៤ ស្មើរនឹងទីធ្លាទាត់បាល់២ដែលមានទីតាំងស្ថិតនៅស្រុកវ៉ារិនខេត្តសៀមរាប។ ប្រតិបត្តិការនេះអាចប្រព្រឹត្ត ទៅដោយជោគជ័យដោយសារមាន កណ្ដុរអាប៉ូប៉ូចំនួន១២ក្បាល និងអ្នកដឹកនាំចំនួន១៥នាក់។ អ្វីដែលពិសេស សម្រាប់កណ្ដុលអាប៉ូប៉ូគឺពួកវាត្រូវបានបង្វឹកឲ្យចេះហិតរក និងកាយរកត្រង់កន្លែងដែលមាន តែសារធាតុមានជាតិផ្ទុះមិនភ័ន្ធច្រឡំជាមួយសារធាតុលោហៈឡើយ។
កណ្ដុរដ៏អង់អាចអាប៉ូប៉ូឈ្មោះ ម៉ាហ្កាវ៉ា បានទទួលពានរង្វាន់ “មេដាយមាសភាពក្លាហាន” ពី PDSA (People’s Dispensary for Sick Animals)។ ម៉ាហ្គាវ៉ា ត្រូវបានទទួលមេដាយមាស ជាការផ្ដល់កិត្តិយសក្នុង “កិច្ចការជួយសង្គ្រោះជីវិតប្រជាជនកម្ពុជា និងស្វែងរកគ្រាប់យុទ្ធភ័ន្ធមិនទាន់ផ្ទុះ”។ ជាមួយបងស្រី ម៉ាឡែន ដែលជាអ្នកដឹកនាំកណ្តុរម៉ាហ្គាវ៉ា ពួកគេបានបោសសម្អាតដីចំនួន ១៤១ ពាន់ម៉ែត្រការ៉ែ (ស្មើរនឹងទីធ្លាបាល់ទាត់ចំនួន ២០)។ បន្ទាប់ពីដីដែលបានបោសសម្អាតគ្រាប់មីនមិនទាន់ផ្ទុះក្រុមការងារ អាប៉ូប៉ូ តែងតែរៀបចំកម្មវិធីប្រគល់ ដីត្រឡប់ទៅក្រុមគ្រួសារ ដែលជាម្ចាស់ដីជាមួយការសូត្រមន្តជាការផ្ដល់សេចក្ដីសុខសប្បាយក្នុងការបន្តការរស់រៀននៅលើដីនោះ។
វាជាដំណើរដែលពោរពេញទៅដោយមនោសញ្ចេតនាដ៏ជ្រាលជ្រៅ នៅពេលដែលបានស្ដាប់លឺរឿងរ៉ាវរបស់ អ្នកទាំងពីរដែលបានលះបង់បំពេញ ការងារដ៏មានគ្រោះថ្នាក់ ហើយក៏ដូចជាផលវិជ្ជមាននៃលិទ្ធផលការងារពីការ បោសសម្អាតមីននេះ ដែលទំាងនេះពិតជាបានផ្លាស់ប្ដូរជីវភាពរស់នៅរបស់ពលរដ្ឋខ្មែរដ៏មិហមា។ ក្រុមការងារអាប៉ូប៉ូ និងប្រជាកសិករខ្មែរ ត្រូវការគាំទ្រនិងជួយជ្រោមជ្រែងពីពួកយើងជាងពេលណាទាំងអស់។ រួមគ្នាដើម្បីទទួលបានជោគជ័យ ដោយចូលទៅកាន់សេវាធនាគារ តាមទូរសព្ទចល័តរបស់ភីភីស៊ីប៊ែងដើម្បីបរិច្ចាគ ហើយធនគារនឹងចូលរួមចំណែកបរិច្ចាគចំនួនទឹកប្រាក់ដូចដែលអ្នកទាំងអស់គ្នាចូលរួមដែរ៕
សូមចុចនៅទីនេះសម្រាប់កម្មវិធីនៃការផ្តល់ដីជូនប្រជាជនកម្ពុជាកាលពីឆ្នាំមុន៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
