បវរកញ្ញាឯកចក្រវាលភូមា មានប្រវត្តិធ្លាប់កើតជំងឺមហារីក បង្ហាញខ្លួនយ៉ាងសមសួនក្នុងឈុតប្រពៃណី

តារាកម្សាន្ត: អតីតបេក្ខភាពបវរកញ្ញាឯកចក្រវាលតំណាងឲ្យប្រទេសមីយ៉ាន់ម៉ា និងជាបេក្ខនារីក្នុងចំណោម២០នាក់ចុងក្រោយនៃការប្រកួតបវរកញ្ញាឯកចក្រវាលឆ្នាំ២០២០ (Miss Universe ២០២០) នាង Thuzar Wint Lwin ឬដែលមហាជន និងអ្នកគាំទ្រស្គាល់ឈ្មោះក្រៅរបស់នាងថា Candy នោះ បានធ្វើឲ្យអ្នកគាំទ្រ និងប្រិយមិត្តមានការភ្ញាក់ផ្អើល និងកោតសរសើរចំពោះសម្រស់ដ៏ស្រស់របស់នាងជាខ្លាំង ក្រោយបានឃើញនាង ស្លៀកសម្លៀកបំពាក់ឈុតបុរាណមីយ៉ាន់ម៉ាបានយ៉ាងស្រស់ស្អាត អមដោយទឹកមុខជាតារាម៉ូដែលដ៏ស្រស់ផូផង់ពីធម្មជាតិ ធ្វើឲ្យមហាជន និងហ្វេនសរសើរព្រោងព្រាតពេញបណ្តាញសង្គមតែម្តង។

សូមរំលឹកផងដែលថា នាង Thuzar Wint Lwin កើតនៅថ្ងៃទី១៨ ខែតុលា ឆ្នាំ១៩៩៨ និងជាប់ឈ្មោះជាបវរកញ្ញាឯកចក្រវាលមីយ៉ាន់ម៉ា ដែលធ្លាប់មានប្រវត្តិហែលឆ្លងការវះកាត់ជំងឺមហារីកសុដន់ ព្រមទាំងជាបេក្ខភាពដ៏គួរឲ្យចងចាំមួយរូបនៅក្នុងការប្រកួត Miss Universe ឆ្នាំ២០២០ ក្រោយនាងជាប់ជាTop២០ និងទទួលបានពានឈុតប្រពៃណីស្អាត និងល្អជាងគេនៅក្នុងការប្រកួតផងដែរ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចង់ដឹងថាតើ Candy ស្រស់ស្អាតយ៉ាងណានោះ សូមទស្សនារូបភាពខាងក្រោមនេះទាំងអស់គ្នា៖

• រូបភាព
• តារាអន្តរជាតិ