ចាប់ពីខែក្រោយនេះទៅ ស៊ីម៉ាក់ នឹងបញ្ចេញសុនខ១០ ក្បាល ដើម្បីហិតក្លិនរកអ្នកផ្ទុកកូវីដ១៩

ភ្នំពេញ៖ សុនខ១០ ក្បាលនឹងត្រូវបញ្ចេញដើម្បីប្រតិបត្តិការហ្វឹកហ្វឺនរកក្លិនអ្នកផ្ទុកវីរុសកូវីដ១៩ ក្នុងពាក់កណ្តាលខែក្រោយនេះ។

អគ្គនាយកស៊ីម៉ាក់ បានឱ្យដឹង នៅថ្ងៃពុធនេះ ថាមជ្ឈមណ្ឌលសកម្មភាពកម្ចាត់មីនកម្ពុជា គឺអាចចាប់ប្រតិបត្តិការហ្វឹកហ្វឺនសុនខ ចំនួន១០ ក្បាល ដើម្បីហិតរកក្លិនអ្នកផ្ទុកវីរុសកូវីដ១៩ ដោយស៊ីម៉ាក់អាចទទួលបានឧបករណ៍ស្រូបក្លិនពីអ្នកវិទ្យាសាស្ត្រសុខាភិបាលនៅពាក់កណ្តាលខែក្រោយនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មន្ត្រី CMAC បានប្រាប់ឱ្យដឹងថា សុនខទាំង១០ក្បាលនេះ ត្រូវបានមន្ត្រីជំនាញបង្វឹកឱ្យមានសមត្ថភាពគ្រប់គ្រាន់ហើយនោះ នឹងត្រូវបែងចែកជាពីរក្រុម និងនៅរង់ចាំតែសម្ភារ បន្ថែមសម្រាប់ប្រើប្រាស់ក្នុងប្រតិបត្តិការតែប៉ុណ្ណោះ។

ក្នុងនោះ មន្ត្រី CMAC ក៏បានបញ្ជាក់ថា នៅប្រទេសផ្សេងៗ ក៏បានប្រើប្រាស់សុខនរួចហើយ ដូចជា ប្រទេសអាល្លឺម៉ង់ រុស្ស៊ី និងប្រទេសមួយចំនួនទៀត ដើម្បីប្រតិបត្តិការស្វែងរកអ្នកផ្ទូកកូវីដ១៩ ដោយសមត្ថភាពហិតក្លិនរបស់សុនខ៕