គូស្នេហ៍កោរសក់ព្រោះមហារីក Blacheadpoo សម្រេចចិត្តកោរតាម ផ្អើលអស់មហាជន

ថៃ៖ កាលពីពេលកន្លងទៅនេះ Nookzii ត្រូវជាគូស្នេហ៍របស់ Blacheadpoo ដែលជាតារាចម្រៀងដ៏ល្បីនៅក្នុងប្រទេសថៃ នាងបានសម្រេចចិត្តកោរសក់ជាលើកទីបួនម្ដងទៀត ដោយសារតែនាងមានជំងឺមហារីក ក្នុងនោះ Blacheadpoo ជាអ្នកកោឱ្យដោយផ្ទាល់ដៃរបស់គេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញនៅក្នុងរយៈពេលថ្មីៗកន្លងទៅនេះ Blacheadpoo  បានធ្វើឱ្យមហាជនគ្រប់គ្នាមានការភ្ញាក់ផ្អើល និងចាប់អារម្មណ៍ជាខ្លាំងបន្ទាប់ពីរូបគេបានបង្ហោះរូបចូលទៅក្នុងបណ្ដាញសង្គមនូវរូបថតដែលគេបានកោរសក់អស់ពីក្បាលរលីង ក្រោយពីបានកោរសក់ឱ្យសង្សាររំលងមិនបានប៉ុន្មានថ្ងៃផង ។ ​ក្នុងនោះគេថែមទាំងបានបញ្ជាក់ថានេះគឺគ្រាន់តែដើម្បីកុំឱ្យក្ដៅស្អុះស្អាប់តែប៉ុណ្ណោះ រឿងនេះក៏បានធ្វើឱ្យមហាជនមួយចំនួនមានការសង្ស័យ ខ្លះថានេះមិនមែនជាការកោរសក់ពិតនោះទេគ្រាន់តែគេពាក់ស្បែកសម្រាប់ពាក់នៅលើក្បាលតែប៉ុណ្ណោះ តែខ្លះក៏យល់ថានេះគឺជាការកោរសក់ពិតៗ ព្រោះ Blacheadpoo ធ្លាប់បានបង្ហើបថាចង់កោរសក់តាមគូស្នេហ៍របស់ខ្លួនផងដែរ។

សម្រាប់រឿងរ៉ាវ និងមូលហេតុពិតនូវពីក្រោយការកោរសក់បែបនេះសាមីខ្លួនក៏មិនទាន់បានចេញមកបកស្រាយបញ្ជាក់ឱ្យច្បាស់នោះទេ៕

ប្រភព៖ Kapook 

• តារាថៃ