រំភើបជំនួស! បំណង​ប្រាថ្នា​ចុង​ក្រោយ ​ព្រឹទ្ធាចារ្យ គង់ ណៃ ជិត​លេចចេញ​ជា​រូបរាង​ហើយ

តារាកម្សាន្ត: លោកតាគង់ ណៃ ឬដែលមហាជនបានស្គាល់លោកថាជាព្រឹទ្ធាចារ្យចាប៉ីដងវែងខ្មែរដ៏ល្បីមួយរូបផងដែលនោះ បានធ្វើឲ្យមហាជន និងប្រជាពលរដ្ឋខ្មែរមានការភ្ញាក់ផ្អើលជាខ្លាំង ក្រោយលោកតាបានបង្ហើបនូវបំណងប្រាថ្នាចុងក្រោយ ដោយចង់សាងសង់ចេតិយមួយទុកតម្កល់អដ្ឋិធាតុ នៅក្នុងស្រុកកំណើតរបស់លោកតានៅខេត្តកំពត។

យ៉ាងណាមិញ បំណងប្រាថ្នា​របស់​លោក​ព្រឹទ្ធាចារ្យ​រូប​នេះ ជិតបាន​សម្រេច​ចេញ​ជា​រូបរាង​ហើយ ក្រោយ​ពេល​លោក​ជំទាវ ហ៊ុន ស៊ី​ណាត បាន​ទទួល​រាប់​រង​នូវ​ការ​ចំណាយ​សម្រាប់​ការ​សាងសង់​ចេតិយ​នេះ​ជូន​លោកតា​។ នៅក្នុង​ដំណើរ​ពិនិត្យ​មើល​ដំណើ​ការ​នៃ​ការ​សាងសង់​ចេ​តិយ៍​ជូន ព្រឹទ្ធាចារ្យ គង់ ណៃ កាលពី​ពេល​ថ្មី​ៗ​នេះ លោក​ជំទាវ ហ៊ុន ស៊ី​ណាតយោងតាមគណនីហ្វេសប៊ុកផ្លូវការ បាន​បញ្ជាក់​ថា ចេតិយ​របស់​លោកតា គង់ ណៃ ជិត​សម្រេច​មួយ​រយ​ភាគរយ​ហើយ​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា លោកព្រឹទ្ធាចារ្យគង់ណៃ គឺជាព្រឹទ្ធបុរសមួយរូបដ៏ឆ្នើមខាងផ្នែកចាប៉ី ដែលមានស្រុកកំណើតនៅក្នុងខេត្តកំពត និងបានចូលរួមយ៉ាងសកម្មនៅក្នុងការលើកកម្ពស់តម្លៃវប្បធម៌ជាតិតាមរយ:សិល្ប:ចាប៉ីដ៏ជំនាញរបស់លោក រហូតធ្វើឲ្យលោកតាក៏ទទួលបាននូវគ្រឿងឥស្សរ:យសជាច្រើនផងដែរ៕

• ជីវិត
• រូបភាព
• តារាខ្មែរ