ធ្លាប់តែងខ្លួនហាយសូរ ដល់ពោះកាន់តែធំ Mew Nittha សាមញ្ញបំផុតក៏នៅតែស្អាត

ថៃ៖ អស់រយៈពេល១ឆ្នាំកន្លះហើយ ដែលតារាសម្ដែងស្រី Mew Nittha បានរៀបការបង្កើតគ្រួសារមួយផ្ទាល់ខ្លួន។ ក្រោយរៀបការរួច គេតែងតែឃើញតារារូបនេះបង្ហាញជីវិតឯកជនជាមួយស្វាមីជានិច្ច ដោយសកម្មភាពទាំងនោះមើលទៅនាង ពិតជាមានក្ដីសុខខ្លាំង ដែលមានស្វាមីចេះយល់ចិត្ត មើលថែនាងបានល្អយ៉ាងដូច្នេះ។

ពិតណាស់ បន្ទាប់ពីចំណងអាពាហ៍ពិពាហ៍កាន់តែរឹងមាំនោះ ថ្មីៗនេះ Mew Nittha បានប្រកាសថាខ្លួនកំពុងមានផ្ទះពោះកូនដំបូង បើគិតពីរយៈពេលដែលនាងផ្ទៃពោះមកទល់នឹងពេលនេះគឺ៦ខែហើយ។ ជាមួយគ្នានេះស្របពេលមានទម្ងន់ គេតែងតែឃើញនាង ប្រើជីវិតរស់នៅយ៉ាងរីករាយ និងកំពុងត្រៀមខ្លួនក្លាយជាម្ដាយគេនៅថ្ងៃខាងមុខផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង បើងាកទៅមើលរូបសម្ផស្សអនាគតម្ដាយវ័យក្មេងរូបនេះវិញ នាងនៅតែស្រស់ស្អាតដដែល។ ក្នុងនោះដែរ គេដឹងថា Mew Nittha ជាតារាស្រីនិយមតែងខ្លួនឆើតឆាយ ស្លៀកសម្លៀកបំពាក់ទាន់សម័យនោះ ក្រោយពរពោះភ្លាម នាងតែងតែស្លៀកខោអាវសាមញ្ញមានភាពងាយស្រួលសម្រាប់ពេលដើរ និងអង្គុយផងដែរ។ បើទោះបី ពោះកាន់តែធំ ហើយស្លៀកពាក់ធម្មតាៗ ក៏មិនអាចឲ្យតារារូបនេះធ្លាក់សម្រស់បានឡើយ តែបែរជាធ្វើឲ្យនាងរឹតតែស្រស់សោភាជាងមុនទៀតផង៕

សូមទស្សនារូបភាពខាងក្រោម៖​

• ផ្ទៃពោះ
• រូបភាព
• តារាថៃ