សត្វកម្រ! កម្ពុជាប្រកាសរកឃើញវត្តមានសត្វឈ្លូសយក្សជាលើកដំបូង នៅក្នុងតំបន់ឧទ្យានជាតិវីរៈជ័យ

រតន:គិរី: យោងតាមគេហទំព័រហ្វេសប៊ុកផ្លូវការរបស់ក្រសួងបរិស្ថាននៃព្រះរាជាណាចក្រកម្ពុជា បានប្រកាសពីដំណឹងដ៏រីករាយមួយ ក្រោយកម្ពុជាប្រកាសរកឃើញវត្តមានសត្វឈ្លូសយក្សជាលើកដំបូងនៅក្នុងតំបន់ការពារធម្មជាតិនៅជម្រកនៃតំបន់ឧទ្យានជាតិវីរជ័យ កាលពីពេលថ្មីៗកន្លងទៅនេះ បន្ទាប់ពីបានឃើញវត្តមានរបស់សត្វកម្រមួយនេះ តាមរយ:កាមេរ៉ាសុវត្ថិភាពដែលបង្កប់នៅក្នុងព្រៃ។

សូមបញ្ជាក់ផងដែលថា សត្វ«ឈ្លូសយក្ស» ឬមានឈ្មោះហៅជាភាសាបច្ចេកទេស Large-antlered muntjac ឬ Giant muntjac (Muntiacus vuquangensis) គឺជាប្រភេទសត្វរងគ្រោះជិតផុតពូជខ្លាំងលើពិភពលោកនៅក្នុងបញ្ជីក្រហមរបស់ IUCN ត្រូវបានរកឃើញជាលើកដំបូងនៅក្នុងតំបន់ការពារធម្មជាតិនៃប្រទេសកម្ពុជាក្នុងរយៈពេលជិត ៣០ ឆ្នាំចាប់តាំងពីពេលដែលអ្នកជំនាញបានរកឃើញលើកដំបូងនៅឆ្នាំ១៩៩៤ក្នុងប្រទេសវៀតណាម និងឡាវនៅតាមជួរភ្នំក្រវ៉ាត់លាតសន្ធឹងដល់ឧទ្យានជាតិវីរៈជ័យភាគឦសានប្រទេសកម្ពុជា និងជាពិសេសគឺកាលពីថ្ងៃទី២៤ ខែមិថុនា ឆ្នាំ២០២១ សត្វដ៏កម្រប្រភេទនេះ ត្រូវបានគេប្រទះឃើញម្តងទៀតនៅក្នុងតំបន់ឧទ្យានជាតិនៃព្រះរាជាណាចក្រកម្ពុជា៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចង់ឃើញឲ្យកាន់តែច្បាស់ពីវត្តមានសត្វកម្រមួយនេះ ថាតើមានរូបរាងយ៉ាងណានោះ សូមទស្សនារូបភាពខាងក្រោមនេះទាំងអស់គ្នា៖

• រូបភាព