សៀមរាប: នៅទីបំផុត ស្នងការដ្ឋាននគរបាល ខេត្តសៀមរាប ឃាត់ខ្លួនជនសង្ស័យជាប្តីមានឈ្មោះ យ៉ែម សំណាង ភេទប្រុស អាយុ៤៨ឆ្នាំ មុខរបរ គក់ជេរថយន្ត មានស្រុកកំណើតនៅខេត្តត្បូងឃ្មុំ បច្ចុប្បន្នរស់នៅភូមិក្រសាំង សង្កាត់ជ្រាវ ក្រុងសៀមរាបពាក់ព័ន្ធករណី អំពើលួចមានស្ថាន ទម្ងន់ទោស ( គាស់ស័ង្កសី) កាលពីវេលាម៉ោង១០និង០០នាទីព្រឹកថ្ងៃទី១៩ ខែមិថុនា ឆ្នាំ២០២១ត្រង់ចំណុចក្នុងផ្ទះជនរងគ្រោះ ភូមិខ្នារ សង្កាត់ជ្រាវ ក្រុងសៀមរាប បន្ទាប់ពីភាគីដើមបណ្តឹងជាប្រពន្ធចុងបានដាក់ពាក្យបណ្តឹងពីបទលួចមានស្ថានទម្ងន់ទោស។
ផ្អែកតាមចម្លើយរបស់ជនសង្ស័យ បានឆ្លើយសារភាពថា ខ្លួនពិតជាបានធ្វើសកម្មភាពដូចករណីខាងលើនេះពិតប្រាកដមែន នៅព្រឹកថ្ងៃទី១៩ ខែមិថុនា ឆ្នាំ២០២១ដោយឃើញជនរងគ្រោះមិននៅផ្ទះ(ប្រពន្ធចុងរបស់គាត់) គាត់ក៏បានចូលធ្វើសកម្មភាពដោយយកដង្កាប់កាត់ស័ង្កសីបង្អួច ហើយលូកដៃបើកគន្លឹះទ្វារចូលបន្ទប់ជនរងគ្រោះ ហើយធ្វើសកម្មភាពលួចយកប្រាក់ដុល្លារចំនួន១១២០០ដុល្លារនិង ខ្សែក.មាស ១ខ្សែមិនដឹងទម្ងន់ដើម្បីយកប្រាក់ទៅទិញរថយន្តក្រោយពេលធ្វើសកម្មភាពហើយ ខ្លួនបានយកប្រាក់ និងខ្សែក ទៅផ្ញើឲ្យប្រពន្ធដើមនៅខេត្តត្បូងឃ្មុំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបច្ចុប្បន្នជនសង្ស័យត្រូវបានកម្លាំងការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តសៀមរាបបានរៀបចំសំណុំរឿងបញ្ជូនខ្លួនទៅតុលាការខេត្ត ដើម្បីចាត់ការតាមនិតីវិធី ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
