អាការៈឈឺសុដន់ដែលកើតឡើងចំពោះស្ត្រីវ័យក្មេង ភាគច្រើនទាក់ទងនឹងវដ្ដរដូវ។ អ័រម៉ូនកើតឡើង និងធ្លាក់ចុះអំឡុងពេលមានរដូវ អាចបណ្ដាលឲ្យសុដន់ងាយឈឺចាប់ និងហើមជាដើម។
ប្រសិនបើសុដន់របស់យើងមានជាលិកាសរសៃ យើងអាចនឹងសង្កេតឃើញដុំពកយ៉ាងងាយ នៅអំឡុងពេលមករដូវ។ យ៉ាងណាមិញ តើការឈឺសុដន់នៅអំឡុងពេលមករដូវបណ្ដាលមកពីអ្វី? តើយើងគួរដោះស្រាយបែបណា?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមូលហេតុបង្ក
វដ្ដរដូវប្រចាំខែរបស់ស្រីៗយើងត្រូវបានកំណត់ដោយការប្រែប្រួលនៃកម្រិតអ័រម៉ូនអឺស្រ្តូហ្សែន និងProgesterone។ អ័រម៉ូនទាំងពីរនេះមានសារសំខាន់ណាស់សម្រាប់ឲ្យសុដន់ និងប្រព័ន្ធបន្តពូជរបស់យើងដែលត្រៀមរួចរាល់ក្នុងការមានគភ៌។
អារម្មណ៍ឈឺសុដន់ គឺជារឿងធម្មតាប៉ុណ្ណោះ ហើយវាបណ្ដាលមកពីក្លែបសុដន់ និងបំពង់សុដន់រីកធំនៅអំឡុងពេលបញ្ចេញពងអូវុល។ ការឈឺចាប់នេះអាចកាន់តែធ្ងន់ធ្ងរមុនពេលមករដូវ ហើយធូរស្រាលបន្តិចម្ដងៗអំឡុងពេល និងបន្ទាប់ពីអស់រដូវ។ ចំពោះស្ត្រីមួយចំនួន ការឈឺចាប់សុដន់ដែលកើតឡើងជាវដ្ដ គឺមិនមែនជារោគសញ្ញានៃជំងឺមហារីកសុដន់ឡើយ។
តិចនិកដោះស្រាយបញ្ហាឈឺសុដន់
ដើម្បីបញ្ចៀស និងកាត់បន្ថយអាការៈឈឺសុដន់នៅអំឡុងពេលមករដូវ ស្រីៗយើងអាចអនុវត្តតិចនិកខាងក្រោមនេះ។
- ស្អំកំណាត់ក្ដៅ ឬត្រជាក់នៅលើសុដន់រយៈពេលត្រឹមតែ២០នាទី
- ប្រើថ្នាំបំបាត់ការឈឺចាប់
- កាត់បន្ថយការញ៉ាំភេសជ្ជៈដែលមានជាតិកាហ្វេអ៊ីន
- ញ៉ាំទឹកឲ្យបានច្រើន និងកាត់បន្ថយការញ៉ាំអំបិល
- ញ៉ាំរបបអាហារល្អៗ ដូចជាបន្លែ ផ្លែឈើ និងគ្រាប់ធញ្ញជាតិទាំងមូល
- កាត់បន្ថយស្រ្តេស
ពេលណាយើងគួរទៅជួបនឹងគ្រូពេទ្យ?
ប្រសិនបើគ្នាយើងជួបប្រទះករណីទាំងនេះ គប្បីពិគ្រោះយោបល់ជាមួយនឹងគ្រូពេទ្យជំនាញ ទើបជាការប្រសើរ៖
- មានឈាម ឬទឹករងៃ ចេញពីចុងសុដន់
- សង្កេតឃើញដុំពកថ្មីដែលមិនបាត់ទៅវិញ បន្ទាប់ពីអស់រដូវ
- ឈឺសុដន់ខ្លាំង និងរ៉ាំរ៉ៃ
- ចេញរោគសញ្ញានៃការឆ្លងមេរោគសុដន់ រួមមានក្រហម ខ្ទុះ និងគ្រុនក្ដៅ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
