ពិធីសម្ពោធជាផ្លូវការ របស់ហាងលក់គ្រឿងអេឡិចត្រូនិចទំនើប LG BRANDSHOP សាខាសែនសុខ

ភ្នំពេញ៖ ក្រុមហ៊ុន ជីហ្គៀគ្រុប (GGear Group) និងក្រុមហ៊ុន LG Electronics  បានប្រារព្ធនូវពិធីសម្ពោធជាផ្លូវការ សាខាថ្មីមួយទៀត​ គឺ LG BRANDSHOP សាខាសែនសុខ ដែលមានអាសយដ្ឋាននៅ ផ្លូវឧកញ៉ម៉ុងឬទ្ធី ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ កម្មវិធីនេះធ្វើឡើងនៅថ្ងៃទី២៥ ខែមិថុនា ឆ្នាំ២០២១ ដែលមានការចូលរួមពីថ្នាក់ដឹកនាំរបស់ក្រុមហ៊ុន ជីហ្គៀគ្រុប (GGear Group) និងក្រុមហ៊ុន LG Electronics។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដើម្បីឲ្យកាន់តែមានភាពងាយស្រួលក្នុងការស្វែងរកនូវផលិតផលគ្រឿងអេឡិចត្រូនិច LG ក្រុមហ៊ុនបានពង្រីកបន្ថែមនូវសាខាថ្មី គឺ LG BRANDSHOP សាខាសែនសុខ ដែលជាសាខាទី១៣ ក្នុងចំនោម LG BRANDSHOP ទូទាំងប្រទេសកម្ពុជា ហើយជា​សាខាទី ៦ ក្នុងរាជធានីភ្នំពេញ ។

LG BRANDSHOP  សាខាសែនសុខ គឺមានដាក់តាំងបង្ហាញ និងលក់នូវរាល់ឧបករណ៍អេឡិចត្រូនិចរបស់ម៉ាក LG ទាំងអស់ដែលមានដូចជា ទូរទស្សន៍ ម៉ាស៊ីនត្រជាក់​ ទូរទឹកកក  ម៉ាស៊ីនបោកសំលៀកបំពាក់ ឧបករណ៍បំពង  សម្លេង និង ឧបករណ៍ប្រើប្រាស់ក្នុងផ្ទះជាច្រើនផ្សេងទៀត ដែលសុទ្ធសឹងតែជាផលិតផលទំនើបៗ និងម៉ូដែលថ្មីៗ ចុងក្រោយគេបង្អស់របស់ LG ។

នាក្នុងឱកាសនៃពិធីសម្ពោធ LG BRANDSHOP សាខាសែនសុខ លោក Sung Suk Kim  អគ្គនាយកក្រុមហ៊ុន LG  Electronics ប្រចាំប្រទេសកម្ពុជាក៏បានមានប្រសាសដែរថា៖

ក្រុមហ៊ុន LG នឹងប្រឹងប្រែងឲ្យអស់ពីសមត្ថភាពដើម្បីផ្តល់នូវគុណភាពផលិតផល និងសុវត្ថិភាពដល់អតិថិជន ដែលរួមមានដូចជា LG Styler ម៉ាស៊ីនស្ទីមនិងអ៊ុតស្ងួត , Washer ម៉ាស៊ីនបោកគក់ , Dryer ម៉ាស៊ីនសម្ងួតសម្លៀកបំពាក់ និង RAC with UV Nano (ម៉ាស៊ីនត្រជាក់ដែលបំពាក់មកជាមួយនូវកាំរស្មី UV Nano) ព្រមទាំង Wearable air-purifier mask ម៉ាសបន្សុទ្ធខ្យល់ដែលអាចពាក់ការពារនៅនឹងមុខបាន។

ឆ្លៀតក្នុងឱកាលនេះផងដែរ លោកឧកញ៉ា សុខ ពិសិដ្ឋ អគ្គនាយកក្រុមហ៊ុន ជីហ្គៀ (GGear Group) បានប្រសាសន៍ថា៖

អតិថិជនទាំងអស់គ្នា អាចអញ្ជើញទទួលយកនៅបទពិសោធន៍ថ្មីៗដ៏អស្ចារ្ យពីបច្ចេកវិទ្យាចុងក្រោយរបស់គ្រឿងអេឡិចត្រូនិច LG គ្រប់ប្រភេទទាំងអស់​នៅហាង LG BRANDSHOP ថ្មីនេះ ហើយយើងក៏មានក្រុមការងារដែលមានជំនាញច្បាស់លាស់ និងបទពិសោធន៍យូរឆ្នាំលើផលិតផលទាំងអស់ ដែលអាចប្រឹក្សាយោបល់ដើម្បីបំពេញតំរូវការប្រើប្រាស់ឲ្យអតិថិជនតាមការចង់បាន ។

ក្នុងឱកាសបើកដំណើរការជាផ្លូវការរបស់​សាខាសែនសុខ នេះផងដែរ  ​ LG BRANDSHOP  មានកម្មវិធីប្រូម៉ូសិនលក់បញ្ចុះតម្លៃ យ៉ាងពិសេសរួមជាមួយការផ្ដល់ជូនកាដូរភ្លាមៗជាច្រើន ចាប់ផ្ដើមពីថ្ងៃនេះរហូតដល់ថ្ងៃទី៣០ ខែមិថុនា ឆ្នាំ២០២១ ​ដែលលោកអ្នកអាចធ្វើការបញ្ជាទិញតាមរយៈផេក ( LG Brandshop Cambodia ) បានឬធ្វើការទំនាក់ទំនងមកកាន់លេខទូរសព្ទ 016 888 029 / 012 444 051៕