ស្បែកស្អាត និងទន់ម៉ត់រលោង ជាមួយរូបមន្តទឹកដំឡូងបារាំង!

ដំឡូងបារាំងមិនត្រឹមតែជាផ្នែកមួយនៃរបបអាហារប៉ុណ្ណោះទេ វាក៏អាចបញ្ចូលទៅក្នុងការថែរក្សាសម្រស់ផងដែរ ពីព្រោះវាសំបូរទៅដោយសារធាតុប្រឆាំងនឹងអុកស៊ីតកម្ម ជាតិរ៉ែ និងវីតាមីនល្អៗសម្រាប់ស្បែក។

ពិតណាស់ ស្បែកយើងប្រឈមនឹងកត្តាគ្រោះថ្នាក់មួយចំនួនជារៀងរាល់ថ្ងៃ ដូចជាកាំរស្មីព្រះអាទិត្យ ជាតិពុល ភាពកខ្វក់ ធូលី ដែលអាចបណ្ដាលឲ្យស្បែកប្រែជាខ្មៅស្រអាប់ និងពណ៌សម្បុរមិនស្មើគ្នា។ ដូច្នេះហើយ ទើបស្បែករបស់យើងត្រូវការរូបមន្តថែទាំតាមបែបធម្មជាតិដើម្បីដោះស្រាយបញ្ហាទាំងនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អត្ថប្រយោជន៍នៃទឹកដំឡូងបារាំងចំពោះស្បែកមុខ

ដំឡូងបារាំងជាគ្រឿងផ្សំដ៏អស្ចារ្យនៅក្នុងការធ្វើម៉ាសបិទមុខ ហើយវាផ្ដល់អត្ថប្រយោជន៍ជាច្រើន ចំពោះស្បែកមុខដូចជា៖

ទឹកដំឡូងបារាំងអាចជួយកម្ចាត់បញ្ហារង្វង់ភ្នែកខ្មៅ ស្នាមជ្រីវជ្រួញ ព្រមទាំងស្នាមដក់ក្រោមភ្នែក
ជួយឲ្យស្បែកភ្លឺរលោង
រក្សាសំណើមដល់ស្បែក
កាត់បន្ថយការរលាកស្បែក ដែលបណ្ដាលឲ្យកើតមុន
ដោយសារតែដំឡូងបារាំងជាប្រភពនៃជាតិដែក វីតាមីនC និងសារធាតុRiboflavin វាអាចជួយបន្តឹងរន្ធញើស និងប្រឆាំងភាពចាស់
ទឹកដំឡូងអាចធ្វើឲ្យស្បែកភ្លឺ និងកម្ចាត់ចោលបញ្ហាស្បែកខូចដោយសារតែកម្ដៅថ្ងៃ
ជួយព្យាបាលមុន ស្នាមអាចម៍រុយ ស្នាមជ្រីវជ្រួញ និងស្បែកស្រអាប់។

របៀបធ្វើម៉ាសដំឡូងបារាំង ដើម្បីចិញ្ចឹមបំប៉នស្បែក

ទឹកដំឡូងបារាំង៣ស្លាបព្រាបាយ
ទឹកឃ្មុំ២ស្លាបព្រាបាយ

ចូរលាយទឹកដំឡូងបារាំងជាមួយនឹងទឹកឃ្មុំ ដោយកូរវាឲ្យសព្វល្អ ព្រមទាំងលាបនៅលើផ្ទៃមុខ និងក។ បន្ទាប់មក ម៉ាស្សាជារាងរង្វង់នៅលើផ្ទៃមុខ និងទុកចោលរយៈពេល១០ទៅ១៥នាទី (រហូតដល់ស្ងួត) ទើបលាងជម្រះចេញ។ ដើម្បីទទួលបានលទ្ធផលល្អបំផុត យើងគប្បីប្រើរូបមន្តម៉ាសដំឡូងបារាំងនេះជារៀងរាល់ថ្ងៃ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

អត្ថប្រយោជន៍​នៃ​ទឹក​ដំឡូង​បារាំង​ចំពោះ​ស្បែក​មុខ​

របៀប​ធ្វើ​ម៉ាស​ដំឡូង​បារាំង​ ដើម្បី​ចិញ្ចឹម​បំប៉ន​ស្បែក​

In Case You Missed It

អត្ថប្រយោជន៍នៃទឹកដំឡូងបារាំងចំពោះស្បែកមុខ

របៀបធ្វើម៉ាសដំឡូងបារាំង ដើម្បីចិញ្ចឹមបំប៉នស្បែក