បង់ក្លាដេស៖ រយៈពេលប្រាំពីរថ្ងៃរាប់ចាប់ថ្ងៃច័ន្ទ ពុំមាននរណាម្នាក់ ក្នុងប្រទេសបង់ក្លាដេស អនុញាតឱ្យចេញពីផ្ទះនៅទេ ប្រសិនពុំមានអាសន្នចាំបាច់។
ជាលទ្ធផល ប្រជាជនកកកុញណែនណាន់តាន់តាប់រត់ចេញពីទីក្រុងដ៏មមាញឹក សម្រុកទៅផ្ទះនៅក្នុងក្រុង និងភូមិរបស់ពួកគេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សករណីរកកូវីដ១៩ នៅក្នុងប្រទេសបង់ក្លាដេស បានកើនឡើង ដែលភាគច្រើនបានផ្សារភ្ជាប់ទៅនឹងវីរុសបំប្លែងខ្លួនថ្មីឈ្មោះថា Delta ដែលត្រូវបានរកឃើញដំបូងនៅក្នុងប្រទេសឥណ្ឌាដែលនៅជិតខាងខ្លួន។
រលកចុងក្រោយនៃការវាយលុកពីវីរុសកូវីដ នៅបង់ក្លាដេស បានចាប់ផ្តើមប្រហែលប្រាំមួយសប្តាហ៍មុន។ នៅថ្ងៃទី ១៥ ឧសភាមានករណីថ្មីចំនួន ២៦១ ករណីហើយមានអ្នកស្លាប់ចំនួន ២២ នាក់។ កាលពីថ្ងៃសុក្រមានករណីថ្មីចំនួន ៥.៨៦៩ នាក់និងអ្នកស្លាប់ចំនួន ១០៨ នាក់ដែលជាចំនួនអ្នកស្លាប់ប្រចាំថ្ងៃខ្ពស់បំផុតទី ២ របស់ប្រទេសនេះនៃជំងឺរាតត្បាតទាំងមូល។មន្ទីរពេទ្យជាច្រើន កកកុញហូរហៀរទៅដោយអ្នកជំងឺ និងកំពុងជំនះដើម្បីដោះស្រាយ ជាពិសេសគឺនៅតាមព្រំដែនជាមួយប្រទេសឥណ្ឌា។
ក្នុងនោះ ដោយសារតែករណីកូវីដ១៩ មានការកើនឡើងយ៉ាងខ្លាំងសេវាកម្មផ្លូវដែកនិងឡានក្រុងត្រូវបានផ្អាករួចហើយលើកលែងតែសេវាកម្មបន្ទាន់។ ប្រជាជនបង់ក្លាដេស សង្ឃឹមថានឹងចាកចេញពីទីក្រុង នឹងបានជួលជួលយានជំនិះឯកជនឬសូម្បីតែដើរក៏ដោយសារតែការដឹកជញ្ជូនត្រូវបានបិទ។
គួរបញ្ជាក់ថា សេចក្តីថ្លែងការណ៍មួយដែលចេញផ្សាយដោយនាយកដ្ឋានព័ត៌មានរបស់ប្រទេសបង់ក្លាដែសបាននិយាយថាការិយាល័យទាំងអស់រួមទាំងការិយាល័យរដ្ឋាភិបាលពាក់កណ្តាលរដ្ឋាភិបាលនិងការិយាល័យឯកជនក៏នឹងត្រូវបិទទ្វារផងដែរ៕
ប្រភព៖ BBC
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
