ស្ងាត់ៗ Kratae ទម្លាយពីទំនាក់ទំនងស្នេហាជាមួយគូស្នេហ៍ ៨ឆ្នាំ

ថៃ៖ អស់រយៈពេលជាយូរមកហើយ ដែលតារាចម្រៀងស្រី Kratae ហាក់មិនបង្ហាញពីទំនាក់ទំនងស្នេហាជាមួយនឹងបុរសណាម្នាក់ឡើយ ដែលជាហេតុធ្វើឲ្យបណ្ដាហ្វេនៗជាច្រើន កំពុងតែរង់ចាំមើល ពីរឿងរ៉ាវនៅក្នុងជីវិតផ្ទាល់ខ្លួន ​របស់តារាស្រីរូបនេះ។ 

ដោយឡែក កាលពីថ្មីៗនេះ តារាស្រី Kratae ស្រាប់តែបានចេញមកបង្ហាញពីរឿងរ៉ាវផ្ទាល់ខ្លួនរបស់នាង ឲ្យអ្នកទស្សនាជាច្រើនបានដឹងថា ការពិតទៅ រូបនាងមិនបាននៅ Single តែម្នាក់ឯងអ្វីនោះទេ ដោយបានបង្ហើបថា នាងមានមិត្តប្រុសដែលជាអ្នកជំនួញនិងមានអាយុតិចជាងនាង ជាពិសេស អ្នកទាំងពីរ ព្រមទាំងបានទាក់ទងគ្នាអស់រយៈពេល ៨ ឆ្នាំមកហើយ  ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហើយអ្វីដែលគួរឲ្យចាប់អារម្មណ៍ជាងនេះទៅទៀតនោះគឺ អស់រយៈពេល ៨ ឆ្នាំដែលបានទាក់ទងគ្នាមកនេះ នាង និងគូស្នេហ៍ ក៏មានគោលដៅដូចគ្នា ផងដែរ ដោយនៅក្នុងនោះដែរ គូស្នេហ៍មួយគូនេះ ធ្លាប់បាននិយាយថា ពេលណាការលក់របស់របរ បានតម្លៃ ១០០ លានបាតហើយ អ្នកទាំងពីរនឹងរៀបការជាមួយគ្នាហើយ ប៉ុន្តែ ត្រូវតែលក់ឲ្យបាន ១០០ លាន ក្នុងរយៈពេល ១ ឆ្នាំ ដូច្នេះ អ្នកទាំងពីរគិតថា វាហាក់បីដូចជាលឿនពេកហើយ។ ហើយបន្ទាប់ពីនោះ គូស្នេហ៍មួយគូនេះ បានផ្លាស់ប្តូរគោលដៅថ្មីមួយដែលក្នុងរយៈពេល ៣ ឆ្នាំ ប្រសិនបើ អាចរកបានលើសពី ១ ពាន់លាន នោះអ្នកទាំងពីរនឹងឈានដល់ចំណុចពិសេសនៅក្នុងការគិតគូររឿងរៀបការជាមួយគ្នា ផងដែរ៕

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ