ក្តៅៗ! ធ្វើតេស្តមិញៗហ្នឹងរកឃើញអ្នកពាក់ព័ន្ធក្នុងផ្សារបឹងកេងកង ឆ្លងកូវីដ ជិត២០០នាក់

ភ្នំពេញ៖ ក្រោយពីផ្ទុះករណីឆ្លងថ្មីនៅក្នុងផ្សារបឹងកេងកង ដែលស្ថិតនៅក្នុងភូមិសាស្រ្ត សង្កាត់បឹងកេងកង១ ខណ្ឌ បឹងកេងកង រាជធានីភ្នំពេញរួចមក រដ្ឋបាលខណ្ឌបឹងកេងកង សូមអំពាវនាវដល់ប្រជាពលរដ្ឋដែលរស់នៅជុំវិញផ្សារបឹងកេងកង និង បងប្អូនប្រជាពលរដ្ឋដែលបានចេញ- ចូលផ្សារបឹងកេងកង ចាប់ពីថ្ងៃទី២១ ខែមិថុនា ដល់ថ្ងៃទី២៦ ខែមិថុនា ឆ្នាំ២០២១ សូមអញ្ជើញមកយកសំណាកតេស្តរកកូវីដ១៩ នៅបរិវេណវិទ្យាល័យ ជា ស៊ីម បឹងកេងកង នៅថ្ងៃទី២៨ ខែមិថុនា ឆ្នាំ២០២១ ជាបន្ទាន់ ព្រមទាំងអនុវត្តវិធានការតាមការណែនាំរបស់ក្រសួងសុខាភិបាល ឱ្យបានត្រឹមត្រូវជាទីបំផុត។

ជាមួយគ្នានោះដែរ យោងតាម​បើ​ការ Live បន្ត​ផ្ទាល់​ពី​អ្នក​រាយការណ៍ BTV នៅថ្ងៃទី២៨ ខែមិថុនា ឆ្នាំ២០២១នេះ បាន​បញ្ជាក់ឱ្យដឹង​ថា មក​ដល់ពេល​នេះ រកឃើញមាន​អ្នក​ឆ្លងកូវីដ១៩ នៅ​ផ្សារ​បឹងកេងកង​ជិត ២០០ នាក់​ទៅ​ហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ក្នុង​ចំណោម​អ្នក​ឆ្លង ១៩០ នាក់​នោះ មាន​ដូចជា ​អាជីវករ អ្នក​រស់នៅ​ក្បែរ​ទីតាំងនោះ ព្រម​ទាំង​អតិថិជន​ដែល​ធ្លាប់​ទៅ​ទិញ​ទំនិញអីវ៉ែអីវ៉ាន់ជាដើម។

គួរបញ្ជាក់ដែរថា អ្នករស់នៅក្បែរទីតាំងផ្សារនោះ ត្រូវបានអាជ្ញាធរបិទខ្ទប់មិនឲ្យចេញក្រៅឡើយ ដោយតម្រូវឲ្យធ្វើសំណាករួចរាល់សិន ហើយចំពោះ​អ្នក​ដែល​បាន​ចេញចូល​ផ្សារ​បឹងកេងកង​ចាប់​ពី​ថ្ងៃ ២១ ដល់ ២៦ ខែ​មិថុនា ឆ្នាំ ២០២១ ​ត្រូវ​ប្រញាប់​ទៅ​ធ្វើ​តេស្ត​នៅ Covid-19 នៅវិទ្យាល័យ ជា ស៊ីម បឹងកេងកង នៅថ្ងៃទី២៨ ខែមិថុនា ឆ្នាំ ២០២១ នេះ​ឲ្យ​បាន​គ្រប់​ៗ​គ្នា៕