ក្រុមហ៊ុន Axiata និង ក្រុមហ៊ុន NINE ផ្តល់ជូនស្វ័យប្រវត្តិកម្មគេហដ្ឋានតាមរយៈឧបករណ៍ IoT ថ្មីៗ

ភ្នំពេញ៖ គ្រប់គេហដ្ឋានទាំងអស់ឥឡូវនេះ អាចក្លាយជាផ្ទះឆ្លាតវៃ ជាមួយនឹងឧបករណ៍អ៊ិនធឺណិត Internet of Thing (IoT) ទំនើប ដែលអាចរកទិញបាននៅតាមហាង  Smart Shop មួយចំនួន។ ឧបករណ៍ទាំងនេះអាចគ្រប់គ្រងបានតាមរយៈកម្មវិធីទូរស័ព្ទស្មាតហ្វូន ដែលអាចឱ្យអ្នកប្រើប្រាស់គ្រប់គ្រងពីចម្ងាយ និងរក្សាសុវត្ថិភាពដល់ទ្រព្យសម្បត្តិរបស់ពួកគេ។

ឧបករណ៍ IoT ថ្មីៗទាំងនេះ ត្រូវបានផលិតឡើងដើម្បីផ្តល់ជូនម្ចាស់ផ្ទះនូវសន្តិសុខ ការគ្រប់គ្រង និងភាពងាយស្រួលបន្ថែមទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ឧបករណ៍អ៊ិនធឺណិត Internet of Thing (IoT) តាមដានសុវត្ថិភាពក្នុងផ្ទះ

ក្រុមហ៊ុន Smart Axiata បានដាក់លក់ឧបករណ៍ IoT ថ្មីៗជាច្រើន ដូចជាម៉ាស៊ីនថតសុវត្ថិភាព ឧបករណ៍ចាប់ផ្សែង អំពូលភ្លើងប្រើជាមួយ Wi-Fi និងឧបករណ៍បញ្ជា Wi-Fi ដោយសហការជាមួយក្រុមហ៊ុនផលិតឧបករណ៍អេឡិចត្រូនិច NINE ។ បច្ចេកវិទ្យាថ្មីៗនេះ នឹងអាចឱ្យអតិថិជនគ្រប់គ្រងឧបករណ៍អេឡិចត្រូនិចប្រចាំថ្ងៃរបស់ខ្លួន បានតាមរយៈកម្មវិធីទូរស័ព្ទដៃ Smart Life។

លោក Thomas Hundt នាយកប្រតិបត្ដិក្រុមហ៊ុន Smart Axiata បានថ្លែងថា៖

« ឧបករណ៍ IoT ឬ Internet of Things ត្រូវបានរំពឹងថា នឹងផ្លាស់ប្តូរជីវិតរបស់មនុស្ស និងរបៀបដែលពួកគេប្រើប្រាស់បច្ចេកវិទ្យា។ តាមរយៈការតភ្ជាប់ឧបករណ៍ប្រើប្រាស់ក្នុងផ្ទះប្រចាំថ្ងៃជាមួយអ៊ិនធឺណិត អ្នកប្រើប្រាស់ឧបករណ៍ឆ្លាតវៃនៅថ្ងៃនេះ នឹងមានការគ្រប់គ្រងកាន់តែខ្លាំងលើជីវិតប្រចាំថ្ងៃបែបទំនើប និងសន្តិសុខផ្ទះរបស់ពួកគេ »។

លោក Thomas Hundt

លោកបានបន្ថែមថា៖

« ផលិតផល IoT សម្រាប់គេហដ្ឋានថ្មីៗទាំងនេះ បង្ហាញពីការអភិវឌ្ឍយ៉ាងឆាប់រហ័សរបស់កម្ពុជាខាងផ្នែកបច្ចេកវិទ្យាចល័ត និងត្រួសត្រាយផ្លូវឆ្ពោះទៅរកអនាគតនៃច្ចេកវិទ្យា 5G របស់ប្រទេសកម្ពុជា។ ខ្ញុំមានមោទនភាពជាខ្លាំងចំពោះតួនាទីដែលក្រុមហ៊ុន Smart Axiata កំពុងដើរតួរក្នុងកិច្ចប្រឹងប្រែងនេះ ដើម្បីធ្វើទំនើបកម្មឌីជីថលនៅកម្ពុជា » ។

លោក Thomas Hundt

ក្រុមហ៊ុន Smart និងក្រុមហ៊ុន NINE កំពុងដាក់ដំណើរការគំនិតផ្តួចផ្តើម IoT នេះឡើង ដោយមានផលិតផលចំនួនពីរផ្នែកដោយផ្តោតលើសន្តិសុខ និងស្វ័យប្រវត្តិកម្ម។

ដើម្បីលើកកម្ពស់សន្តិសុខផ្ទះរបស់ពួកគេ អតិថិជនរបស់ក្រុមហ៊ុន Smart អាចទិញឧបករណ៍នានាដូចជា ឧបករណ៍ចាប់ផ្សែង សិនស័រទ្វា និងម៉ាស៊ីនថតសុវត្ថិភាព ដែលភ្ជាប់ទៅនឹងមណ្ឌលកណ្តាលមួយដែលគ្រប់គ្រងឧបករណ៍ទាំងអស់នោះ។

ក្រុមហ៊ុន Smart និងក្រុមហ៊ុន NINE កំពុងផ្តល់ជូនផលិតផលចំនួនបីផ្សេងទៀត ដែលមានសក្តានុពលផ្លាស់ប្តូរជីវិតប្រចាំថ្ងៃរបស់អតិថិជន។ ឧបករណ៍ NINE Smart Wi-Fi Socket Plug អាចជួយប្រើប្រាស់ឱ្យបិទនិងបើកឧបករណ៍ប្រើប្រាស់ក្នុងផ្ទះពីចម្ងាយ ខណៈដែល Wi-Fi Bulb អាចឱ្យអ្នកប្រើប្រាស់គ្រប់គ្រងអំពូលភ្លើងពីចម្ងាយបានផងដែរ។

ទន្ទឹមនឹងនេះដែរ ឧបករណ៍បញ្ជាពីចម្ងាយ Wi-Fi IR Remote អាចឱ្យម្ចាស់ផ្ទះគ្រប់គ្រងពីចម្ងាយបាននូវឧបករណ៍ប្រើប្រាស់ក្នុងផ្ទះដូចជាម៉ាស៊ីនត្រជាក់ កង្ហារ ទូរទស្សន៍ និងឧបករណ៍ក្នុងផ្ទះផ្សេងទៀត។ ឧបករណ៍ទាំងអស់នេះអាចត្រូវបានគ្រប់គ្រងតាមរយៈកម្មវិធី Smart Life។ ឧបករណ៍ទាំងនេះក៏អាចត្រូវបានគ្រប់គ្រងដោយសំឡេងបានផងដែរ នៅពេលដែលភ្ជាប់ទៅនឹងឧបករណ៍ Google Home ឬឧបករណ៍ Amazon Alexa។

លោក Kenny Yap នាយកគ្រប់គ្រងក្រុមហ៊ុន NINE Cambodia បានថ្លែងថា៖

« យើងយល់ច្បាស់ពីសារៈសំខាន់ ដែលអតិថិជនរបស់ពួកយើងចាំបាច់ត្រូវមានក្នុងការរស់នៅប្រកបដោយផាសុកភាព នៅក្នុងផ្ទះរបស់ពួកគេ ហើយយើងត្រូវធ្វើឱ្យប្រាកដថា អតិថិជននិងគ្រួសាររបស់ពួកគាត់មានសុវត្ថិភាព។ តាមរយៈការចាប់ដៃគូជាមួយក្រុមហ៊ុន Smart Axiata ដើម្បីផ្តល់ជូនឧបករណ៍ IoT សម្រាប់គេហដ្ឋាន ជាមួយនឹងបច្ចេកវិទ្យាបណ្តាញទំនើបរបស់ក្រុមហ៊ុន Smart យើងកំពុងផ្តល់ជូនអតិថិជនរបស់យើងនូវការគ្រប់គ្រងផ្ទះរបស់ពួកគេបន្ថែមទៀត ដែលធ្វើឱ្យវាមានភាពកក់ក្តៅ និងសន្តិសុខកាន់តែខ្លាំងឡើងថែមទៀត » ។

លោក Kenny Yap

ឧបករណ៍ថ្មីៗទាំងនេះមានដាក់បង្ហាញ និងអាចរកទិញបាននៅ Smart IoT Corners ដែលស្ថិតនៅក្នុងហាង Smart Shop ចំនួន ៤៖ Smart Shop ផ្សារអេអ៊នភ្នំពេញ , Smart Shop ផ្សារអេអ៊នសែនសុខ , Smart Shop មជ្ឈមណ្ឌលភ្នំពេញ និង Smart Shop ផ្សារទំនើបសូរិយាសេនធ័រភ័នធ៍។

Smart IoT Corners ចំនួន២ បន្ថែមទៀតនឹងបើកដំណើរការក្នុងពេលឆាប់ៗនេះនៅហាង Smart Shop នៅផ្លូវមុនីវង្ស និង ផ្លូវនេរុហ៍ ។ ផលិតផលទាំងនេះអាចទិញជាលក្ខណៈរាយនីមួយៗក៏បាន ឬជាកញ្ចប់ក៏បាន ហើយអតិថិជនអាចតម្លើងផលិតផលទាំងនេះបានដោយខ្លួនឯង ឬស្នើអ្នកជំនាញពីក្រុមហ៊ុន NINE ឱ្យជួយដំឡើងជូនក៏បាន៕

សម្រាប់ព័ត៌មានបន្ថែម សូមតាមដានទំព័រហ្វេសប៊ុករបស់ក្រុមហ៊ុន Smart តាមរយៈ www.facebook.com/smartaxiata ឬចូលទៅកាន់គេហទំព័រ www.smart.com.kh។ ឧបករណ៍ IoT សម្រាប់គេហដ្ឋានអាចរកមើលបានតាមរយៈគេហទំព័រ www.smart.com.kh/get-smart/plans/smart-iot។

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ក្រុមហ៊ុន Axiata និង ក្រុមហ៊ុន NINE ផ្តល់ជូន​ស្វ័យប្រវត្តិ​កម្ម​គេហដ្ឋាន​តាមរយៈ​ឧបករណ៍ IoT ថ្មីៗ

In Case You Missed It

ក្រុមហ៊ុន Axiata និង ក្រុមហ៊ុន NINE ផ្តល់ជូនស្វ័យប្រវត្តិកម្មគេហដ្ឋានតាមរយៈឧបករណ៍ IoT ថ្មីៗ