ពីមួយថ្ងៃទៅមួយថ្ងៃ ស្នេហា Influencer វ័យក្មេង ប៊ុនឡេង កាន់តែស្វីត

ភ្នំពេញ៖ អាចនិយាយបានថា ឡាយ ប៊ុនឡេង ជាInfluencer មួយរូបដែលមានវ័យក្មេងបំផុត។ បើទោះបីយុវជនរូបនេះនៅក្មេង តែអាចកសាងកេរ្ដិ៍ឈ្មោះឲ្យមានភាពល្បាញខ្លាំង តាមរយៈការបង្កើតវីដេអូថ្មីៗ សម្រាប់បង្ហោះលើបណ្ដាញសង្គម មិនថា ហ្វេសប៊ុក ឬYouTubeនោះទេ។ រាល់វីដេអូដែលលោកបង្ហោះ តែងតែផ្ដល់ជូននូវភាពសប្បាយរីករាយដល់អ្នកទស្សនាជានិច្ច។

ពិតណាស់ បន្ទាប់ពីបង្កើតវីដេអូផុសលើបណ្ដាញសង្គមទទួលបានភាពជោគជ័យ បច្ចុប្បន្នគេឃើញ ប៊ុនឡេង ទទួលបានការងារច្រើនគួរឲ្យកត់សម្គាល់។ ម្យ៉ាងចាប់តាំងពីក្លាយជា Influencer មានប្រជាប្រិយភាពមក គេចាប់អារម្មណ៍រឿងឯកជនលោកមួយ គឺពេលនេះយុវជនរូបនេះកំពុងមានទំនាក់ទំនងស្នេហា ជាមួយInfluencer ដូចគ្នា ដែលត្រូវបានគេស្គាល់នាងមានឈ្មោះ សាន់ ពុធដេបូរ៉ា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង បើនិយាយពីទំនាក់ទងស្នេហា ប៊ុនឡេង និងគូស្នេហ៍ គេតែងតែឃើញគូស្នេហ៍មួយគូនេះ បង្ហាញភាពផ្អែមល្ហែមជាមួយគ្នាជានិច្ច។ លើសពីនេះទៅទៀត គ្រប់រូបភាព និងវីដេអូដែលយុវជនរូបនេះបង្ហោះ សុទ្ធសឹងតែបង្ហាញក្ដីស្រលាញ់ចំពោះគ្នាយ៉ាងមានក្ដីសុខតែម្ដង។ មិនតែប៉ុណ្ណោះ បន្ទាប់ពីស្គាល់ចិត្តគ្នាកាន់តែច្បាស់ គូស្នេហ៍មួយគូនេះ រឹតតែបង្ហាញពីទំនាក់ទំនងស្នេហាដ៏រឹងមាំជាងមុនទ្វេដងផងដែរ៕

សូមទស្សនារូបភាពខាងក្រោម៖ 

• ស្នេហា
• រូបភាព