ព្រាត់ម្ចាស់ ដូចព្រាត់ឪពុក! ទីបំផុតតោកម្សត់ ត្រូវបានម្ចាស់ទៅលេង ក្រោយមិនព្រមស៊ីចំណី (មានវីដេអូ)

ភ្នំតាម៉ៅ: មហាជន និងប្រិយមិត្ត ជាពិសេសអ្នកដែលនិយមតាមដានព័ត៌មានតាមរយ:គេហទំព័រខ្មែរឡូតប្រាកដណាស់ជាបានជ្រាបច្បាស់ពីព័ត៌មានអំពីសត្វតោ សដ៏ស្លូតមួយក្បាល ត្រូវបានអង្គការសម្ព័នភាពសត្វព្រៃ សហការជាមួយនឹងអជ្ញាធរជំនាញបានដកហូតពីជនជាតិចិនមួយរូប ដែលបានលួចចិញ្ចឹមនៅក្នុងវីឡាជួលរបស់ខ្លួនក្នុងភូមិសាស្រ្តសង្កាត់បឹងកេងកងទី១ កាលពីពេលកន្លងទៅថ្មីៗនេះ។

យ៉ាងណាមិញ ក្រោយពីដកហូតសត្វតោពីសំណាក់ម្ចាស់ជាជនជាតិចិនរួចមក តោកម្សត់មួយនេះ ត្រូវបានបញ្ចូនឲ្យទៅស្នាក់ការសង្រ្គោះសត្វព្រៃភ្នំតាម៉ៅ ប៉ុន្តែបន្ទាប់ពីបានបញ្វូនមកភ្នំតាម៉ៅ សត្វតោរូបនេះហាក់មិនឃ្លានអាហារ រហូតទាល់តែនៅថ្ងៃទី២៩ ខែមិថុនា ឆ្នាំ២០២១នេះ ម្ចាស់ជនជាតិចិនបានទៅលេង។ ក្រោយពេលបានឃើញម្ចាស់ តោកម្សត់មួយនេះបានរត់មកទទួល ថើប និងអោបម្ចាស់ រហូតធ្វើឲ្យអ្នកដែលទស្សនាការឡាយសឹងតែទប់ទឹកភ្នែកមិនជាប់តែម្តង៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចង់ជ្រាបឲ្យកាន់តែច្បាស់បន្ថែមទៅទៀតនោះ សូមទស្សនារូបភាព និងវីដេអូខាងក្រោមទាំងអស់គ្នា៖

• វីដេអូ
• រូបភាព