ស្នេហាមិនប្រកាន់វ័យ! មិត្តប្រុសក្មេងជាង Britney Spears ដល់ទៅ១៣ឆ្នាំ មើលថែគ្នា ក្នុងវិស្សមកាលយ៉ាងផ្អែមល្ហែម

បរទេស៖ កាលពីពេលថ្មីៗនេះ Britney បានទៅវិស្សមកាលជាមួយមិត្តប្រុសរបស់នាង ទៅកាន់កោះត្រូពិក បន្ទាប់ពីនាងបានចូលរួមក្នុងសវនាការនៅថ្ងៃទី ២៣ ខែមិថុនាកន្លងទៅ។

គួរបញ្ជាក់ផងដែរថា តារាចម្រៀងវ័យ ៣៩ ឆ្នាំរូបនេះបានស្នើសុំជាបន្ទាន់ទៅតុលាការឱ្យលុបចោលការអភិរក្សរបស់នាងបន្ទាប់ពីរយៈពេល ១៣ ឆ្នាំ។ ដោយ លោកស្រី Britney និយាយថាការអភិរក្សគឺដូចជាការជាប់គាំងដែលបានធ្វើឱ្យនាងត្រូវគេធ្វើបាបនិងវេទនាអស់រយៈពេលជាច្រើនឆ្នាំ នាងគ្រាន់តែចង់រស់នៅដូចមនុស្សធម្មតាមានសេរីភាពរៀបការមានកូននិងជាម្ចាស់លុយដែលខ្លួនរកបាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងវិស្សមកាលនេះផងដែរ តារាម៉ូដែល Sam Asghari បានធ្វើជាអ្នកថតរូបអោយ Britney Spears ដោយរីករាយនៅពេលដែលពួកគេទាំងពីរបានឈប់សម្រាកនៅកោះហាវ៉ៃនៅសប្តាហ៍នេះ។ ដោយ Britney និងមិត្តប្រុសរបស់នាង ត្រូវបានគេមើលឃើញថាបានថតរូបសម្រាប់នៅលើយ៉រសណ្ឋាគារនៅលើកោះ Maui ។ ក្នុងនោះ Britney ស្លៀកឈុតប៊ីគីនីពណ៌ក្រហមឆ្អៅផងដែរ។

យ៉ាងណាមិញ គេសង្គេតឃើញថា តារាម៉ូដែលប្រុសវ័យ២៧ឆ្នាំ លោក Sam Asghari រូបនេះបានមើលថែ Britney យ៉ាងកក់ក្តៅក្នុងអំឡុងពេលវិស្សមកាលដ៏សែនរីករាយមួយនេះ៕

ប្រភព៖ ngoisao

• តារាអន្តរជាតិ