កំពុងចត្តាឡីស័កផង បែរជាTaew ធ្វើបែបនេះ មានអី គេជេរព្រាត

ថៃ៖ ជាថ្មីម្តងទៀតហើយ សម្រាប់តារាស្រីដ៏មានប្រជាប្រិយ Taew Natapohn ដែលកំពុងតែប្រឈមមុខនឹងហានិភ័យ ក្រោយពីបានទាក់ទងជាមួយនឹង តារាស្រី Pancake ដែលបានប្រកាសថាខ្លួនឆ្លងកូវីដ១៩ កាលពីថ្មីៗកន្លងទៅនេះ។ 

យ៉ាងណាមិញ បន្ទាប់ពីទទួលជ្រាបបែបនេះ តារាស្រី Taew ក៏បានទៅធ្វើតេស្តភ្លាមៗ ដើម្បីពិនិត្យរកការឆ្លង ប៉ុន្តែជាលទ្ធផល នាងមិនមានការឆ្លងនៅក្នុងខ្លួននោះទេ ដោយត្រូវធ្វើចត្តាឡីស័កនៅផ្ទះ ដើម្បីសុវត្ថិភាព ផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែព្រឹត្តិការណ៍នេះ ហាក់ដូចជាមានរឿងរ៉ាវដែលត្រូវបានមនុស្សជាច្រើននៅលើបណ្ដាញសង្គម លើកមកនិយាយសាជាថ្មី នៅពេល តារាស្រីរូបនេះ ស្រាប់តែបានបង្ហាញពីវិដេអូ បណ្ដើរឆ្កែ នៅទីធ្លាខាងក្រៅ ដើរជុំវិញផ្ទះ រហូតមកដល់មានការចោទសួរ ពីហ្វេនៗថា នៅពេលកំពុងឃុំខ្លួនឯងបែបនេះ តើនាងពិតជាអាចចេញពីផ្ទះបានឬយ៉ាងណា។

ម៉្យាងវិញទៀត នៅក្នុងនោះដែរ ក៏មានការរិះគន់ជាច្រើន ដោយមនុស្សមួយចំនួនថែមទាំងបានលើកឡើងថា ចង់ឲ្យតារាស្រីរូបនេះ មានការទទួលខុសត្រូវខ្ពស់នៅក្នុងសង្គម ទោះបីស្ថិតក្នុងកម្រិតហានិភ័យទាបក៏ដោយ។ តែយ៉ាងណាមិញ ក៏មានអ្នកមួយចំនួនទៀត បានចូលមកបញ្ចេញមតិថា វាអាចជាឃ្លីបចាស់ ដែលនាងទើបតែបង្ហោះចូល ផងដែរ ៕

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ