ចុម ម៉េចចឹងអាយដល? Ga In ក្រុម Brown Eyes Girls ត្រូវពិន័យ ពីបទប្រើប្រាស់ថ្នាំខុសច្បាប់

កូរ៉េខាងត្បូង៖ ព័ត៌មានក្នុងស្រុក បានធ្វើសេចក្តីរាយការណ៍ កាលពីថ្ងៃទី ៣០ ខែមិថុនា ដែលតារាចម្រៀងស្រី Ga In សមាជិកក្រុមនារី Brown Eyes Girls ត្រូវបានពិន័យពីបទប្រើថ្នាំមានសារធាតុញៀនខុសច្បាប់ (ថ្នាំប្រភេទ propofol និង etomidate) ត្រូវបានពិន័យប្រាក់ចំនួន ១ លានវ៉ុន (ប្រហែលជាង ៨០០ ដុល្លារ)។

ដោយឡែក តាមប្រភពដដែលបានបន្តទៀតថា​ Ga In ត្រូវបានចោទប្រកាន់ពីបទប្រើថ្នាំប៉ូវកំលាំង ក៏ដូចជាថ្នាំស្ពឹកមានសារធាតុហាមឃាត់ នៅឯហាងកែសម្ផស្សមួយកន្លែង ចាប់ពីខែកក្កដាដល់ខែសីហាឆ្នាំ ២០១៩ ដោយតារាចម្រៀងរូបនេះត្រូវបានគេស៊ើបអង្កេតថាមានជាប់ទាក់ទងនឹងគ្រូពេទ្យវះកាត់កែសម្ផស្សអាយុ ៧០ ឆ្នាំម្នាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ តារាចម្រៀងវ័យ ៣៣ឆ្នាំរូបនេះបានពន្យល់ថា នាងមានជំងឺគេងមិនលក់ និងបាក់ទឹកចិត្ត ហេតុដូច្នេះនាងត្រូវបានណែនាំដោយគ្រូពេទ្យប្រើរបៀបនេះ។ ទោះយ៉ាងណាក៏ដោយ កំណត់ប្រវត្តិជំងឺវេជ្ជសាស្រ្តរបស់ Ga In មិនមានធាតុទាក់ទងនឹងអេកូឌីតនោះទេ ទើបឲ្យនាងទទួលរងការផាកវិន័យស្រាលបែបនេះ។

គួររំលឹកផងដែរថា នៅប្រទេសកូរ៉េថ្នាំប្រភេទ propofol និង etomidate ត្រូវបានគេចាត់ទុកថាជាសារធាតុហាមឃាត់ ក្នុងប្រទេសមួយនេះ គេអាចប្រើវាបាន លុះត្រាតែប្រើ ក្រោមវេជ្ជបញ្ជារបស់មន្ទីរពេទ្យ និងវេជ្ជបណ្ឌិតណាដែលមានល្បីឈ្មោះតែប៉ុណ្ណោះ៕

ប្រភព៖ Allkpop

សូមទស្សនារូបភាពខាងក្រោម៖

• តារាកូរ៉េ