មិនចាញ់គ្នាទេ មុខមាត់ប្អូនប្រុស Joss ស្អាត សង្ហាមិនណយ

ថៃ៖ តារាថៃវ័យ២៥ឆ្នាំ Joss Way-Ar Sangngern បច្ចុប្បន្នកំពុងទទួលបានការចាប់អារម្មណ៍យ៉ាងខ្លាំងពីមហាជនមិនថាក្នុងស្រុក ឬក្រៅស្រុកនោះទេ។ ម្យ៉ាងវិញទៀត តារារូបនេះគេសង្កេតឃើញលេចមុខថតខ្សែភាពយន្ត និងថតម៉ូតជារឿយៗផងដែរ។ ដោយគេសង្កេតឃើញថា ការសម្ដែងរបស់លោកពិតជាធ្វើបានល្អ មិនចាញ់តារារៀមច្បងប៉ុន្មានឡើយ។

ពិតណាស់ បើក្រឡេកទៅមើលរូបសម្បត្តិវិញ ឃើញថា Joss ពិតជាមានមុខមាត់ស្អាត ចំពោះរូបរាងវិញរឹតសង្ហាគួរឲ្យទាក់ទាញ់តែម្ដង។ ជាពិសេស គ្រប់រូបភាពដែលតារារូបនេះបង្ហោះសុទ្ធសឹងតែ បង្ហាញសាច់ដុំធំៗកង់ៗតឹងណែនផងដែរ។ មិនតែប៉ុណ្ណោះ គ្រប់រូបភាពដែលកម្លោះសង្ហាររូបនេះបង្ហោះម្ដងៗ តែងតែពង្រាយមន្តស្នេហ៍ទៅកាន់អ្នកគាំទ្រឲ្យលង់នឹងខ្លួនជានិច្ច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ប្រិយមិត្តធ្លាប់តែឃើញ Joss ហើយសរសើរពីមុខមាត់ថាស្អាត តែបើងាកទៅមើលមុខមាត់ប្អូនប្រុសបង្កើតតារារូបនេះវិញ ឃើញថាស្រស់សង្ហាមិនចាញ់គ្នានឹងលោកប៉ុន្មានឡើយ។ មិនត្រឹមតែមានមុខមាត់ស្អាតប៉ុណ្ណោះទេ តែរូបសម្បត្តិ និងស្ទាយ៍តែងខ្លួនក៏ទាន់សម័យគួរឲ្យចាប់អារម្មណ៍ទៀតផង។ ដោយឡែក គេដឹងថាប្អូនប្រុសតារារូបនេះ ក៏ជាតារាសម្ដែង និងតារាម៉ូដែលផងដែរ។ លើសពីនេះទៅទៀត គេក៏ឃើញអ្នកទាំងពីរថតរូបជាមួយគ្នាបង្ហាញសកម្មភាពយ៉ាងសិទ្ធិស្នាល ហើយបង្ហោះលើគណនី Instagram ជាមួយគ្នាជាហូរហែតែម្ដង៕

សូមទស្សនារូបភាពខាងក្រោម៖

• រូបភាព
• តារាថៃ