ស្ថាបនិក HYBE Labels លោក Bang Si Hyuk ចុះចេញពីតំណែងជានាយកប្រតិបត្តិហើយ

កូរ៉េខាងត្បូង៖ កាលពីថ្មីៗនេះ ត្រូវបានគេប្រកាសដំណឹងគួរឲ្យភ្ញាក់ផ្អើលថា នាយកប្រតិបត្តិក្រុមហ៊ុន HYBE Labels ដែលជាទ្រនំរបស់ក្រុមចម្រៀងបុរស BTS លោក Bang Si Hyuk នឹងចុះចេញពីតំណែងបច្ចុប្បន្នជានាយកប្រតិបត្តិនៃក្រុមហ៊ុនមួយនេះហើយ។

ដោយឡែក តាមប្រភពបានបន្តទៀតថា Bang Si Hyuk នឹងនៅតែមានតួនាទីដ៏សំខាន់ ក្នុងការគ្រប់គ្រង ពោលគឺថា រូបលោក នឹងនៅតែជាក្រុមប្រឹក្សាភិបាលដដែល ហើយលោកនឹងចូលរួមក្នុងការសម្រេចចិត្តលើគម្រោងស្នូលធំៗ នឹងផ្តោតលើផលិតកម្មតន្រ្តី ដែលជាជំនាញរបស់លោកដូច្នេះដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ ទៀតសោត ស្លាកក្រុមហ៊ុន HYBE បានធ្វើសេចក្តីថ្លែងការណ៍ទាក់ទងនឹងការផ្លាស់ប្តូរ ភាពជាអ្នកដឹកនាំមុខដំណែងដ៏ធំ ប្រចាំក្រុមហ៊ុននេះ ដោយអះអាងថាវាបានកើតឡើងដោយសារឆន្ទៈខ្ពស់ ក្នុងការនាំមុខក្នុងការផ្លាស់ប្តូរប្រព័ន្ធដឹកនាំទាំងមូល ដើម្បីធ្វើឱ្យផែនការអាជីវកម្ម និងក្លាយជាក្រុមហ៊ុនសកលភាវូបនីយកម្ម នាខានមុខជាក់ជាមិនខាន៕ 

ប្រភព៖ Koreaboo

សូមទស្សនារូបភាពខាងក្រោម៖

• តារាកូរ៉េ