ជាងកាត់សក់របស់សម្តេចតេជោ ហ៊ុន សែន ឆ្លងកូវីដ១៩

រាជធានីភ្នំពេញ៖ កាលពីព្រឹក ថ្ងៃទី០១ ខែកក្កដា ឆ្នាំ២០២១នេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជណាចក្រកម្ពុជា អញ្ជើញថ្លែងសុន្ទរកថា ជូនដល់បងប្អូនប្រជាពលរដ្ឋកម្ពុជា ពាក់ព័ន្ធនឹងបញ្ហារីករាលដាលកូវីដ១៩ នៅក្នុងប្រទេសកម្ពុជា។ ក្នុងនោះ សម្តេចតេជោ ហ៊ុន សែន បានថ្លែងថា ឥឡូវលោកពិបាករកជាងកាត់សក់ខ្លាំងណាស់ ដោយសារតែជាងកាត់សក់របស់សម្តេចតេជោ នាយករដ្ឋមន្ត្រី បានឆ្លងវីរុសកូវីដ១៩។

ទោះបីយ៉ាងណា សម្តេចនាយករដ្ឋមន្ត្រី លោកមិនបានបញ្ជាក់ថា ជាងកាត់សក់នោះ​ បានទៅប៉ះពាល់ឆ្លងកូវីដពីប្រភពណានោះទេ។ សម្តេចបានលើកឡើងបែបនេះ ក្នុងពេលដែលសម្តេច ថ្លែងសារពិសេសទាក់ទិននឹងស្ថានភាពនៃជំងឺកូវីដ១៩ នៅកម្ពុជា ខណៈសម្តេច ដឹកនាំកិច្ចប្រជុំតាមប្រព័ន្ធវីដេអូ ស្តីពីការដាក់ចេញនូវចំណាត់ការ និងវិធានការ ការពារ និង ទប់ស្កាត់ការឆ្លងរីករាលដាលនៃជំងឺកូវីដ និង វីរុសបំប្លែងថ្មី ដែលមានប្រភពមកពីប្រទេសឥណ្ឌា៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស