ថតឈុតកូនភ្លោះជំនួសទេ តែតារាស្រីរូបនេះ កំពុងល្បីពីមុខមាត់និងរូបរាងដូចគ្នាជាមួយនឹង Kimberley

ថៃ៖ ចំពោះរឿងភាគថ្មី របស់តារាស្រី Kimberley ដែលនាងបានដើរតួជាកូនភ្លោះ ក្នុងរឿង «Song Sanaeha» ហាក់កំពុងតែទទួលបានការគាំទ្រយ៉ាងច្រើន ទៅលើសមត្ថភាពសម្ដែងរបស់នាង​ដែលអាចលេងបានទាំងតួចរិតស្លូតបូត ព្រមទាំងតួកាច បានយ៉ាងល្អ។ 

ប៉ុន្តែនៅក្នុងសាច់រឿងនេះដែរ ស្រាប់តែបណ្ដាអ្នកគាំទ្រមួយចំនួន មានការចាប់អារម្មណ៍យ៉ាងខ្លាំងទៅលើ តួសម្ដែងថ្មីម្នាក់ មានឈ្មោះថា Meela Sameela ក្នុងពេលដែលនាងបានសម្ដែងនៅក្នុងឈុតកូនភ្លោះដែលជាតួជំនួស Kimberley ថែមទៀត។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យចាប់អារម្មណ៍បំផុត តារាស្រីថ្មីរូបនេះ ក៏កូនកាត់ថៃអាល្លឺម៉ង់ ដូចគ្នាទៅនឹង Kimberley ហើយម៉្យាងវិញទៀត Kimberley ក៏បានបើកចំហអំពី Meela ខណៈពេលដែលបានឃើញជាលើកដំបូង នាងមានអារម្មណ៍ថា អ្នកទាំងពីរគឺមានភាពដូចគ្នាជាច្រើនយ៉ាង ទាំងរូបរាង ស្ទាយ៍និងពណ៌សក់។ ជាពិសេសនោះ Kimberley ថែមទាំងបានបញ្ជាក់ទៀតថា ពួកគេទាំងពីរក៏មានភាពស្រដៀងគ្នាកាលពី ១០ ឆ្នាំមុន នៅពេលដែលទើបតែចូលមកប្រឡូកនៅក្នុងសិល្បៈដំបូងៗ ដោយមានភាពពិបាកខ្លាំងនៅក្នុងអាជីពមួយនេះ ផងដែរ៕ 

ប្រភព៖ Khaosod

សូមទស្សនារូបភាពខាងក្រោម៖ 

• តារាថៃ