ជើងម្ខាងធ្លាប់តែកោង តែពេលនេះជើង YoonA ប្រែជាត្រង់វិញព្រោះវិធីទាំងនេះ ដោយមិនបាច់ប្រើលុយច្រើន

កូរ៉េខាងត្បូង៖ តារាចម្រៀង និងសម្ដែង YoonA អតីតសមាជិកក្រុម Girl's Generation (SNSD) ចាប់តាំងពីបង្ហាញខ្លួនក្នុងសិល្បៈដំបូងៗមក នាងតែងត្រូវបានគេទទួលស្គាល់ថា ជាតារាស្រីមួយរូបមានសម្រស់ស្រស់ស្អាតមិនចាញ់សមាជិកក្រុមដទៃនោះឡើយ។ ពិសេសបើនិយាយពីរូបរាងរបស់ YoonA នាងក៏មានរាងស្លីម ដៃជើងស្រឡូនៗ គួរឲ្យសរសើរផងដែរ។

ប៉ុន្តែអ្វីដែលធ្វើឲ្យគ្រប់គ្នាមានការចាប់អារម្មណ៍ គឺជើងម្ខាងរបស់តារាស្រីរូបនេះ ហាក់មានភាពកោងខ្លាំងពិបាកក្នុងការមើលខ្លាំងមែនទែន ជាហេតុធ្វើឲ្យនាងមិនសូវមានទំនុកចិត្តក្នុងការបង្ហាញជាសាធារណៈឡើយ ពោលគឺនៅពេលមានការចេញទៅក្រៅឬចេញតាមកម្មវិធីនានា នាងតែងតែលាក់បាំងដោយស្លៀកវែងៗ ឬពេលខ្លះនាងធ្វើជាឈរខ្វែងជើងក៏មានដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែយ៉ាងណាមិញ មួយរយៈចុងក្រោយមកនេះ បើតាមប្រភពបរទេសបានឲ្យដឹងថា YoonA បានធ្វើការកែប្រែជើងកោងរបស់នាងបានសម្រេចហើយ។ ហើយពេលនេះវាក៏មានជើងត្រង់ ស្រឡូននិងកាន់តែជឿជាក់ជាងមុនផងដែរ។ ដោយនាងបានធ្វើតាមវីធីសាស្រ្តងាយៗ ដោយគ្រាន់តែធ្វើការតមអាហារឲ្យត្រូវតាមក្បូនខ្នាត ហាត់ប្រាណម៉ាស្សាឆ្អឹង ហាត់យូហ្គាងាយៗប៉ុណ្ណោះ តែគ្រាន់តែវាត្រូវប្រើពេលយូរទើបអាចបានជើងត្រង់ដូចសព្វថ្ងៃ ដោយមិនចាំបាច់ប្រើលុយច្រើនដើម្បីកែកុន៕

ទស្សនារូបភាពខាងក្រោម៖ 

ប្រភព៖ Zing news

• រូបភាព
• តារាកូរ៉េ