អាយដលប្ដូររូបរាងលឿនមែន ម្ដងធាត់ម្ដងស្គម ឲ្យហ្វេនៗតាមមិនទាន់ទេ

បរទេស៖ កាលពីថ្ងៃទី ៣ ខែកក្កដា កន្លងទៅនេះ តារាចម្រៀងស្រីល្បីឈ្មោះ Selena Gomez បានបង្ហោះរូបថតរបស់ខ្លួន នៅលើបណ្ដាញសង្គម Instagram ដែលកំពុងតែធ្វើឲ្យអ្នកគាំទ្រជាច្រើន មានភាពផ្អើលនិងចាប់អារម្មណ៍យ៉ាងខ្លាំង នៅក្នុងឈុតហែលទឹកដែលមានពណ៌ចម្រុះស្រស់ឆើតឆាយ។ 

មិនត្រឹមតែប៉ុណ្ណោះ រូបភាពដែលនាងបានបង្ហោះនេះ ថែមទាំងទទួលបានការចូលចិត្តជាង ៥ លានដង ក្នុងរយៈពេលតែប៉ុន្មានម៉ោងប៉ុណ្ណោះ ព្រមទាំងមានការសរសើរ និងពេញចិត្តយ៉ាងខ្លាំង ទៅលើរូបរាងដ៏ស្អាត ពោរពេញដោយភាពស៊ិចស៊ីទាក់ទាញ ពីតារាស្រីរូបនេះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា កាលពីកន្លងទៅនេះ Selena​ ក៏ធ្លាប់បានបង្កភាពភ្ញាក់ផ្អើលដូចគ្នា ជាមួយនឹងការឡើងទម្ងន់ ដែលធ្វើឲ្យនាងមើលទៅហាក់មិនដូចជាបាក់សម្រស់ និងមិនសូវមានភាពស្រស់ស្អាតក្នុងក្រសែភ្នែក អ្នកទស្សនា ផងដែរ៕ 

ប្រភព៖ Zingnew

សូមទស្សនារូបភាពខាងក្រោម៖ 

• តារាអន្តរជាតិ