Jennifer Lopez និងEx ក្រោយត្រូវរ៉ូវគ្នាវិញ កាន់តែផ្អែមដូចស្នេហ៍ដំបូង

បរទេស៖ កាលពីពេលថ្មីៗនេះ Jennifer Lopez និង អតីតស្វាមី Ben Affleck ត្រូវបានអ្នកគាំទ្រជាច្រើនបានប្រទះឃើញ គូស្នេហ៍តារាមួយគូនេះនៅក្នុងឧទ្យានមួយកន្លែង ហើយបានបង្ហើបឱ្យដឹងថា Bennifer អ្នកទាំងពីរបានកាន់ដៃគ្នាយ៉ាងស្អិតរមួតពេលចេញទៅក្រៅផងដែរ។

យ៉ាងណាមិញ គេសង្គេតឃើញ តារាចម្រៀង Jennifer Lopez រីករាយនឹងវិស្សមកាលជាមួយតារាសម្តែង Ben Affleck នៅ Long Island, Hamptons នាថ្ងៃទី ៤ ខែកក្កដានេះជាខ្លាំង។ដោយឡែក តារាទាំងពីរពាក់អាវគូដែលមានពណ៌ទឹកដោះគោដូចជាគូស្នេហ៍ថ្មីថ្មោង ថែមទាំងកាន់ដៃគ្នាមិនលែងនៅទីសាធារណៈទៀតផង។ បន្ទាប់ពីជិត ២០ ឆ្នាំ ចាប់តាំងពីពួកគេបានណាត់ជួបគ្នានៅពេលពួកគេនៅក្មេង Bennifer នៅតែធ្វើឱ្យអ្នកគាំទ្ររំភើបចំពោះសម្រស់របស់នាង និងស្នេហាដែលស្រលាញ់គ្នាទៅវិញទៅមកមិនប្រែបែបនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះផងដែរ ពួកគេក៏បានដើរកម្សាន្តជាមួយមិត្តភក្តិក្នុងឱកាសវិស្សមកាលទិវាឯករាជ្យអាមេរិកនេះដែរ ។ ចាប់តាំងពីចាប់ផ្តើមត្រលប់រកគ្នា នៅខែឧសភា Ben និង J.Lo តែងតែឆ្លៀតយកពេលវេលាដើម្បីជួបគ្នា ទោះបីពួកគេរវល់ការងារយ៉ាងណាក៏ដោយ ពួកគេទៅលេងផ្ទះរបស់គ្នាទៅវិញទៅមកហើយម្តងម្កាលធ្វើដំណើរកម្សាន្តឯកជនជាមួយគ្នា៕

សូមទស្សនារូបភាពខាងក្រោម៖

ប្រភព៖ngoisao

• តារាអន្តរជាតិ