មុនក្រោយមិនសំខាន់! មើលផង Justin កាន់តែផ្ដល់ក្ដីសុខឲ្យប្រពន្ធពេញទំហឹង

បរទេស៖ មួយរយៈចុងក្រោយនេះ ដំណើរកម្សាន្តដ៏ប្រណីតនិងថ្លៃៗ ទៅកាន់ប្រទេសក្រិក (Greece) របស់ Justin Bieber និងភរិយាបានក្លាយជាប្រធានបទមួយដែលមានការចាប់អារម្មណ៍ជាសាធារណៈនាពេលថ្មីៗនេះ។ 

ក្នុងនោះផងដែរ មិនត្រឹមតែស្នាក់នៅសណ្ឋាគារលំដាប់ផ្កាយ ៥ ដែលមានតម្លៃកប់ពពកសម្រាប់មួយយប់នោះទេ តារាចម្រៀងនិងភរិយាលោក Hailey Baldwin ក៏បានជិះទូកកម្សាន្តតាមបណ្តោយសមុទ្រមេឌីទែរ៉ាណេផងដែរ។ ដោយ ក្នុងនោះកម្រងរូបភាពជាច្រើនសន្លឹករបស់ គូស្វាមីភរិយាវ័យក្មេងនៅលើទូកជិះទូកមួយបានទាក់ទាញការចាប់អារម្មណ៍ពីសំណាក់និយមលេងអ៊ីនធឺណែត ដោយសារតែសកម្មភាពរបស់Justin Bieber ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង ថ្មីៗនេះ Justin Bieber និងភរិយាបានទៅវិស្សមកាលនៅលើកោះ Milos ដ៏ល្បីល្បាញក្នុងប្រទេសក្រិក ពួកគេទាំងពីរនាក់បានជួលទូកឯកជនមួយដើម្បីដើរលេងកំសាន្តនិងលំហែរអារម្មណ៍ជាមួយគ្នា។ ដោយ​កាយវិការ Justin និងភរិយារបស់លោក ក៏បានឱបគ្នាយ៉ាងជិតស្និទ្ធនៅលើទូកធ្វើអោយទស្សនិកជនច្រណែនជាខ្លាំង។

លើសពីនេះ តារាចម្រៀងប្រុសរូបនេះតែងតែបង្ហាញពីភាពជាម្ចាស់របស់លោក ចំពោះភរិយាជាមួយនឹងទង្វើដ៏ជិតស្និទ្ធ តាមរយៈការថើបដ៏ផ្អែមល្ហែមរបស់គូស្នេហ៍ហូលីវូដដ៏ល្បីល្បាញគឺកាន់តែក្តៅជាងមុនដោយសារតែមានទេសភាពសមុទ្រនិងមេឃស្រងាត់នៅខាងក្រោយ៕

សូមទស្សនារូបភាពខាងក្រោម៖

ប្រភព៖ kenh14.

• តារាអន្តរជាតិ