រំភើបជំនួស! ពេលនេះ ម្ចាស់តោបានយកកូនតោ មកដល់ផ្ទះនៅភ្នំពេញវិញហើយ

រាជធានីភ្នំពេញ៖ ក្រោយពីសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ប្រកាសអនុញាតឱ្យម្ចាស់តោ មានសិទ្ធិទទួលយកសត្វតោ មកចិញ្ចឹមវិញ នៅយប់មិញ ក៏មានការសាទរជាច្រើន ពីសំណាក់មហាជននៅលើបណ្តាញសង្គម។ តែយ៉ាងណា ម្ចាស់តោ ត្រូវតែធ្វើទ្រុងដាក់សត្វតោនោះ ដើម្បីថែរក្សាសុវត្ថិភាពសម្រាប់មនុស្សរស់នៅក្នុងផ្ទះ និង អ្នករស់នៅជិតខាង។

ដោយឡែក នៅរសៀល ថ្ងៃទី០៥ ខែកក្កដា​ ឆ្នាំ២០២១នេះ  ក្រោយពីការប្រកាសពីប្រមុខរាជរដ្ឋាភិបាល សម្តេច​តេជោ ហ៊ុន សែន រួចមក ម្ចាស់តោជាជនជាតិចិន បានទៅទទួលយកសត្វតោរបស់ខ្លួន មកចិញ្ចឹមមើលថែរក្សានៅផ្ទះរបស់ខ្លួនវិញហើយ នេះបើតាមការបង្ហោះនៅលើផេកហ្វេសប៊ុកផ្លូវការរបស់ លោក ហ៊ុន ជា នៅមុននេះបន្តិច៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស