រាជធានីភ្នំពេញ៖ ព្រះសង្ឃនៅក្នុងវត្តមហាមន្ត្រី និង កូនសិស្ស គង់និងស្នាក់នៅក្នុងវត្ត ត្រូវបានរកឃើញវិជ្ជមានកូវីដ១៩ ចំនួន ៤៤អង្គ/នាក់ ក្រោយពីក្រុមពេទ្យស័្មគ្រចិត្តរបស់សម្តេចតេជោ ហ៊ុន សែន និងកម្លាំងអាជ្ញាធរមូលដ្ឋានខណ្ឌបឹងកេងកង ចុះយកសំណាក នៅថ្ងៃទី ០២- ០៣ កក្កដា ឆ្នាំ២០២១ ដែលឈានទៅដល់ការបិទវត្តមហាមន្ត្រីទាំងស្រុងតែម្តង ដោយពុំមានអ្នកណាអាចចេញចូលបាននោះទេ។
យោងតាមការបញ្ជាក់ពី លោក ធឹម សំអាន អភិបាលខណ្ឌបឹងកេងកង បានប្រាប់ឱ្យដឹងថា ពាក់ព័ន្ធនឹងការឈានទៅដល់ការបិទខ្ទប់វត្តមហាមន្ត្រីនេះដែរ គឺបានធ្វើឡើង បន្ទាប់ពីក្រុមគ្រូពេទ្យស្ម័គ្រចិត្តរបស់សម្តេចតេជោ ហ៊ុន សែន ហៅថា ធីតា និង កម្លាំងអាជ្ញាធរមូលដ្ឋានខណ្ឌបឹងកេងកង បានចុះធ្វើសំណាកដល់ព្រះសង្ឃ យាយជី តាជី អាចារ្យវត្ត និងកូនសិស្ស ស្នាក់នៅក្នុងវត្តជាច្រើនអង្គ/នាក់ និងបានរកឃើញអ្នកមានវិជ្ជមានជំងឺកូវីដ១៩ សរុបចំនួន៤៤នាក់រួចមកនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ផងដែរថា មកទល់ពេលនេះ ចំពោះព្រះសង្ឃ និង កូនសិស្ស ត្រូវបានរកឃើញវិជ្ជមានជំងឺកូវីដ១៩ សរុបចំនួន ៤៤ អង្គ/នាក់ ត្រូវបានបញ្ជូនទៅកាន់កន្លែងព្យាបាល រីឯព្រះសង្ឃ យាយជី តាជី និងកូនសិស្ស ដែលនៅសេសសល់ ត្រូវបានតម្រូវអោយអនុវត្តទៅតាមវិធានការរបស់ក្រុមគ្រូពេទ្យធ្វើចត្តាឡីស័ករយៈពេល ១៤ថ្ងៃជាបន្តទៀត៕
ប្រភព៖ KSP Daily
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
