Toomtam ត្រូវរើចេញពីលំនៅដ្ឋានភ្លាមៗ ក្រោយពីមានការឆេះរោងចក្រក្បែរនោះ

ថៃ៖ វាគឺជាហេតុការណ៍មួយដ៏រន្ធត់ បន្ទាប់ពីមានឧប្បត្តិហេតុនៃការផ្ទុះធុងគីមីមួយនៅក្នុងរោងចក្រមួយ ដែលមានទីតាំងនៅក្នុង ខេត្តសាមុតប្រាកាន ដែលបណ្ដាលឲ្យផ្ទះ និង រោងចក្រផ្សេងៗទៀតដែលនៅក្បែរនោះក្នុងចម្ងាយ ៥០០ ម៉ែត្រត្រូវបានខូចខាត។ យ៉ាងណាមិញ ក្រោយមក ខាងអាជ្ញាធរបានបញ្ជាឱ្យមានការជម្លៀសប្រជាជនចេញភ្លាមៗក្នុងចម្ងាយ ៥ គីឡូម៉ែត្រ ដោយសារតែការឆេះដែលមានសារធាតុពុល អាចធ្វើឲ្យមានគ្រោះថ្នាក់ដល់ជីវិត។

ជាមួយនឹងហេតុការណ៍នេះ តារាចម្រៀង និងជាតារាសម្តែង លោក Toomtam ក៏ជាមនុស្សម្នាក់ដែលត្រូវបានជម្លៀសចេញ ដោយសារតែលោកបានស្ថិតនៅក្នុងតំបន់ដែលមានហានិភ័យខ្ពស់ ។ នៅក្នុងនោះ Toomtam បានបង្ហោះឃ្លីបមួយ ខណៈពេលកំពុងបើកបរចេញពីភូមិ ព្រមទាំងឃើញផ្សែងហុយចេញពីកន្លែងកើតហេតុ ថែមទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ តារាប្រុសរូបនេះ បានបង្ហាញសារជូនពរឲ្យមានសុខសុវត្ថិភាព ចំពោះអ្នកដែលបានរងគ្រោះនៅក្នុងតំបន់នោះ ខណៈដែលមិត្តៗនៅក្នុងសិល្បៈកម្សាន្ត ក៏ដូចជាហ្វេនៗជាច្រើន បង្ហាញពីភាពភ្ញាក់ផ្អើលចំពោះឧប្បត្តិហេតុនេះ និងបានជូនពរចំពោះលោក ព្រមទាំងអ្នកគ្រប់គ្នាឲ្យមានសុវត្ថិភាព ជៀសផុតពីគ្រោះមួយនេះ៕ 

ប្រភព៖ Kapook

សូមទស្សនារូបភាពខាងក្រោម៖ 

• តារាថៃ