ទោះល្បីក្នុងផលិតកម្មចាស់ច្រើនឆ្នាំ តែតារាចម្រៀងទាំងនេះ នៅតែដាច់ចិត្តចាកចេញរកទ្រនំថ្មី

ភ្នំពេញ៖ អាចនិយាយបានថា រយៈពេលជាច្រើនឆ្នាំនៃការប្រឡូកក្នុងវិស័យចម្រៀងរបស់តារាចម្រៀងល្បីឈ្មោះទាំងប៉ុន្មាននាក់ខាងក្រោមនេះ ពួកគេម្នាក់ៗសុទ្ធសឹងតែធ្លាប់បានសាងប្រជាប្រិយភាព និងភាពល្បីល្បាញរបស់ខ្លួន តាមរយៈបទចម្រៀងពីរោះៗជាច្រើន ដែលស្ថិតក្រោមទ្រនំផលិតកម្មចាស់មិនដែលចាកចេញពីទីនោះឡើយ។

យ៉ាងណាមិញ ស្រាប់តែមួយរយៈចុងក្រោយនេះ កំពូលតារាចម្រៀងល្បីៗទាំងនេះ ក៏បានសម្រេចចិត្តបញ្ចប់កុងត្រាជាមួយផលិតកម្មចាស់ដែលធ្លាប់ផ្ដល់ភាពកក់ក្ដៅនិងភាពល្បីល្បាញឲ្យពួកគេពីមុន ដោយចាកចេញស្វែងរកផលិតកម្មថ្មី ចាប់យកបទពិសោធន៍ថ្មីវិញម្ដង ដោយពួកគេនៅតែបន្តផលិតបទចម្រៀងបម្រើអារម្មណ៍ហ្វេនៗដដែល និងកាន់តែមានសន្ទុះនៃការគាំទ្រកាន់តែច្រើនផងដែរ៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តារាទាំងនោះ មានដូចខាងក្រោម៖

១.ដួង វិរៈសិទ្ធ

ក្រោយជ្រកក្រោមផលិតកម្មរស្មីហង្សមាសជិត ១០ឆ្នាំ ថ្មីៗនេះលោកក៏បានបញ្ចប់កុងត្រា និងបានឈានជើងចូលផលិតកម្មទើបតែបង្កើតថ្មី គឺផលិតកម្មរាម។

២.ខេម

កាលពីមុន ខេមក៏មានឈ្មោះល្បីល្បាញក្នុងផលិតកម្មថោនជាង ១០ឆ្នាំដែរ តែក្រោយមកបន្ទាប់ពីមានរឿងរកាំរកូសក្នុងផលិតកម្ម លោកក៏បានចូលទៅច្រៀងក្នុងផលិតកម្មថ្មី គឺ Galaxy Navatra។

៣.មាស សុខសោភា

ក្រោយប្រឡូកក្នុងសិល្បៈជិត ២០ឆ្នាំមកនេះ តារាស្រីរូបនេះក៏ធ្លាប់ផ្លាស់ប្ដូរផលិតកម្មជាច្រើនផងដែរ តែផលិតកម្មចុងក្រោយដែលនាងអាចនៅបានជាង ១០ឆ្នាំគឺផលិតកម្មថោន តែក្រោយមកនាងក៏បញ្ចប់កុងត្រា ដើរចូលផលិតកម្មរាមផងដែរ។

៤.ខេមរៈ សេរីមន្ត

ភាពល្បីល្បាញរបស់តារារូបនេះ ក្នុងផលិតកម្មសាន់ដេ ក៏មានរយៈពេលជាង១០ឆ្នាំផងដែរ តែក្រោយមកលោកនៅតែដើរចេញ ហក់ចូលទៅកាន់ផលិតកម្មហង្សមាសរហូតកាន់តែល្បីដូចសព្វថ្ងៃ។

៥.ព្រាប សុវត្ថិ

កំពូលតារាចម្រៀងចាស់វស្សារូបនេះ បើនិយាយពីភាពល្បីល្បាញ គឺលោកបានជ្រកក្រោមផលិតកម្មរស្មីហង្សមាសជាង២០ឆ្នាំ ឯណោះ។ តែចុងក្រោយ លោកនៅតែចាកចេញរកទ្រនំថ្មី គឺចូលទៅផលិតកម្ម Galaxy Navatra។

• រូបភាព
• តារាខ្មែរ