មិននៅស្ងៀមទេ ក្រោយឃើញថៃលួចសង់ប្រាសាទអង្គរវត្ត តារាខ្មែររួមដៃគ្នាបង្ហោះសារបែបនេះ

ភ្នំពេញ៖ កាលពីពេលថ្មីៗនេះ កំពុងមានរឿងផ្ទុះកក្រើក ខណៈប្រទេសថៃបានលួចសាងសង់ ប្រាសាទអង្គរវត្ត ដែលជាប្រាសាទមួយមានអាយុកាលចំណាស់ជាងគេរបស់ប្រទេសកម្ពុជា។ ដោយគម្រោងសាងសង់នោះ ធ្វើឡើងនៅលើទឹកដៃប្រទេសថៃ ស្ថិតនៅក្នុង ខេត្តបុរីរាំ ហើយការសាងសង់នោះបានចេញជារូបរាងខ្លះៗផងដែរ។

ពិតណាស់ បន្ទាប់ពីធ្លាយព័ត៌មានការចម្លងសំណង់ស្ថាបត្យកម្ម ដ៏អស្ចារ្យរបស់ប្រទេសកម្ពុជាគឺ ប្រាសាទអង្គរ រួចមក គេឃើញមានបងប្អូនប្រជាជនខ្មែរ និងអ្នកលេងបណ្ដាញសង្គមជាច្រើន កើតក្ដីមិនសុខចិត្ត ខឹងសម្បារគ្រប់គ្នាតែម្ដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឲ្យក្រសួងពាក់ព័ន្ធទាំងអស់ជួយចេញមុខ រកដំណោះស្រាយ ដើម្បីកុំឲ្យប្រទេសថៃចម្លង និងបញ្ឈប់ការសាងសង់ដូចប្រាសាទតអង្គរវត្តជាបន្តទៀត។

ជាក់ស្ដែង មិនត្រឹមតែអ្នកលេងបណ្ដាញសង្គម និងបង្អូនប្រជាពលរដ្ឋប៉ុណ្ណោះទេ ដែលចេញមុខជួយស៊ែរតវ៉ា តែគេក៏ឃើញសិល្បករ សិល្បការិនីជាច្រើនរូប បានចែកចាយព័ត៌មានមួយនេះបន្តទៀតផង។ ម្យ៉ាងវិញទៀត រាល់ការផុសរបស់តារាខ្មែរ បានភ្ជាប់នូវសារខ្លីៗទៀតផង ដោយតារាខ្មែរដែលបានផុសរឿងប្រទេសថៃលួចចម្លងប្រាសាទអង្គរវត្តនោះមានដូចជា៖

១៖ អ្នកនាង ខាត់ សុឃីម

( សូមបញ្ឈប់ការចម្ដង) Stop copy please….Thai Land

ជួយ share ម្នាក់មួយបងប្អូនខ្មែរយើង

២៖ លោក ប៉ែន ចំរ៉ុង

( សូមបញ្ឈប់ការចម្ដង) Stop copy please….Thai Land

ជួយ share ម្នាក់មួយបងប្អូនខ្មែរយើង។

៣៖ លោក កែវ វាសនា

សុំអស់យោបល់ ហើយក៏ធ្វើអ្វីមិនកើត បានត្រឹមផុសនិងស៊ែរ សំខាន់ខ្ញុំអាណិតប្រទេសខ្ញុំណាស់។

៤៖ លោក អ៊ុន សុធា

ខ្ញុំ​មិនដឹងត្រូវ​និយាយថាយ៉ាងម៉េចទេ​ ចង់ធ្វេីអ្វីក៏ធ្វេីទៅ​ ចង់​ប្រាសាទអ្វីប្រាសាទទៅ​ ខ្ញុំ​មិនខ្វល់ទេ​ ចុះហេតុអ្វី ធ្វើ​ឲ្យដូចប្រាសាទអង្គរធ្វេីអ្វី? ​អាចបង្កេីត​ប្រាសាទថ្មីបានតេី បេីថៃចង់សាង​ តែកុំចម្លងពីខ្មែរ តេីបងប្អូនវិញយល់យ៉ាងណាដែរ​ ? ប្រទេសនេះម្តងជាពីរដង​ តែងតែមាន​បំណងច្បាស់ណាស់​ ។

៥៖ លោក រតនៈ ពិសិដ្ឋ

សូមទេវតា ស្តេចគ្រប់ព្រះអង្គ បារមីគ្រប់ទិសទី និងវិញាណបុព្វបុរសទាំងអស់ សូមជួយថែរក្សាអង្គរ ដែលជាស្នាដៃតែមួយគត់របស់ជាតិយើង ឲ្យបានគង់វង្ស និងមានតែមួយនៅក្នុងពិភពលោកនេះផង…កុំឲ្យមានអ្នកណាធ្វើបានឲ្យសោះ។

• រូបភាព
• តារាខ្មែរ