គឺជារឿងស៊យឬយ៉ាងណា រថយន្តស៊េរីទំនើបរបស់តារាស្រីរូបនេះជួបឧបទ្ទវហេតុជាបន្តបន្ទាប់

ថៃ៖ មួយរយៈចុងក្រោយនេះ តារាស្រី Karn Wiphakorn ហាក់កំពុងតែជួបរឿងស៊យយ៉ាងខ្លាំង ដែលកាលពីកន្លងទៅថ្មីៗនេះ រូបនាងបានយកឡានទំនើបរបស់ស្វាមីខ្លួន បើកចេញទៅខាងក្រៅ រហូតដល់មានគ្រោះថ្នាក់និងបណ្តាលឲ្យឡានទំនើបមួយនេះ រងការខូចខាតផ្នែកចំហៀងនៃរថយន្តយ៉ាងធ្ងន់ធ្ងរ។

មិនត្រឹមតែប៉ុណ្ណោះ ថ្មីៗនេះវិញ តារាស្រីរូបនេះ បានបង្ហោះរូបភាព នៅលើ Instagram ដែលបានបង្ហាញពីដំណឹងអាក្រក់ ព្រមទាំងនិយាយថា ខ្លួនឯងពិតជាសំណាងអាក្រក់ណាស់ ដោយសារតែ ពេលនេះ ឡានទំនើបមួយគ្រឿងផ្សេងទៀតនៅក្នុងគ្រួសាររបស់នាង ត្រូវជួបគ្រោះថ្នាក់ម្តងទៀតហើយ ជាពិសេស ក៏បានផ្ដាំផ្ញើឲ្យមានការប្រុងប្រយ័ត្នយ៉ាងខ្លាំងនៅក្នុងពេលបើកបរ ថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត Karn Wiphakorn បានបញ្ជាក់ទៀតថា កាលពីមុននេះ ក៏មានមនុស្សជាច្រើនហើយដែលបានសួរសុខទុក្ខនាង និងបានឲ្យនាងមានការប្រុងប្រយ័ត្ននៅក្នុងការបើកបរឡាន ប៉ុន្តែសម្រាប់ខ្លួននាងផ្ទាល់ មិនបាននឹកស្មានថា នឹងមានហេតុការណ៍ដដែលកើតឡើងម្តងទៀតបែបនេះទេ ព្រោះទើបតែជួបគ្រោះថ្នាក់ចរាចរណ៍រួចហើយ កាលពីប៉ុន្មានថ្ងៃមុននេះ៕

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ