កូនកតញ្ញូ! Mai Sukhon ទិញផ្ទះថ្មីជូនលោកឪពុក

ថៃ៖ ថ្មីៗនេះ តារាស្រីល្បីឈ្មោះ Mai Sukhon កំពុងតែត្រូវបានហ្វេនៗជាច្រើនតាមដាន និងផ្ទុះការចាប់អារម្មណ៍ បន្ទាប់ពីបើកបង្ហាញពីរឿង ដែលនាងបានចំណាយលុយយ៉ាងច្រើនសន្ធឹកសន្ធាប់ ដើម្បីទិញផ្ទះធំដ៏ស្កឹមស្កៃមួយ ក្នុងតម្លៃ ៥៣ លានបាត ប្រហែលជាង ១,៦ លានដុល្លា។ 

យ៉ាងណាមិញ បន្ទាប់ពីនេះ តារាស្រីរូបនេះ ក៏បានចូលមកបង្ហាញពីមូលហេតុដែលបានទិញផ្ទះក្នុងតម្លៃថ្លៃ នៅក្នុងបទសម្ភាសន៍មួយ ព្រមទាំងបានលើកឡើងទៀតថា ផ្ទះមួយនេះ នាងបានទិញឲ្យលោកឪពុកជាទីស្រលាញ់ ដើម្បីបានរស់នៅយ៉ាងសុខស្រួល ថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះដែរ Mai Sukhon បានបញ្ជាក់ពីថា រូបនាងមានគោលបំណងទិញផ្ទះមួយនេះឲ្យលោកឪពុករបស់ខ្លួន ដើម្បីជាកាដូដ៏ពិសេសមួយ ដោយសារតែនឹកដឹងគុណលោកឪពុកយ៉ាងធំធេង ដែលបានបីបាច់ចិញ្ចឹមថែរក្សាតាំងពី អាយុ ៣ ខែមក ក្នុងពេលដែលឪពុករបស់នាង បានដើរតួជាឪពុកនិងជាម្តាយ ដោយមិនខ្លាចហត់នឿយ និងមិនត្អូញត្អែរនោះទេ។ ជាពិសេសនោះដែរ នាងចង់ធ្វើឱ្យលោកឪពុកសប្បាយចិត្ត និងបានរស់នៅយ៉ាងសុខសប្បាយនៅក្នុងផ្ទះដ៏ស្កឹមស្កៃមួយនេះ៕ 

ប្រភព៖ Sanook

 សូមទស្សនារូបភាពខាងក្រោម៖ 

• តារាថៃ