មិនចេះអួតច្រើន ស្ងាត់ៗ តារាស្រីថៃបីដួងនេះបង្ហាញផ្ទះថ្មីយ៉ាងស្កឹមស្កៃ

ថៃ៖ ជាការពិតណាស់ ជឿជាក់ថាបងប្អូនអ្នកគាំទ្រវិស័យសិល្បៈថៃប្រាកដជាបានស្គាល់ពី តារាស្រីបីដួងនេះហើយ មិនតែប៉ុណ្ណោះតារាបីដួងនេះ ក៏ត្រូវបានហ្វេនៗជាច្រើនធ្វើការតាមដានពីសកម្មភាពប្រចាំថ្ងៃ ជាពិសេស ពួកគេកំពុងតែធ្វើឲ្យពួកគេចាប់អារម្មណ៍យ៉ាងខ្លាំង ក្រោយពីបានបើកបង្ហាញពីផ្ទះក្នុងក្ដីស្រមៃរបស់ខ្លួន។    

ចង់ដឹងថាតារាស្រីរូបណាខ្លះ ដែលបានបង្ហាញផ្ទះក្នុងក្តីស្រម៉ៃរបស់ពួកគេខ្លះ?

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមទស្សនារូបភាពខាងក្រោម៖

១.Bifern Anchasa

កាលពីពេលថ្មីៗនេះតារាសម្តែងស្រី Bifern Anchasa បានបង្ហាញផ្ទះដ៏ស្រស់ស្អាតថ្មីរបស់នាងនៅក្នុងវីដេអូ Vlog ។ ដោយ នៅក្នុងវីដេអូនាងនិយាយថាក្តីសុបិន្តរបស់នាងបានក្លាយជាការពិតព្រោះពេលនេះនាងមានផ្ទះផ្ទាល់ខ្លួនហើយ ផ្ទះរបស់នាងធំណាស់ស្រស់ស្អាតហើយមាន ៤ ជាន់ទៀត។

២.Baifern Pimchanok

តារាសម្តែងដែលមានទេពកោសល្យ Baifern Pimchanok នាងក៏បានបង្ហាញផ្ទះក្នុងYouTubeរបស់នាង ។ ដោយ នៅក្នុងវីដេអូ VLOG របស់នាងដែលបានចេញផ្សាយនៅថ្ងៃទី ០៣ ខែកក្កដា Baifern Pimchanok បានបង្ហាញផ្ទះថ្មីដែលកំពុងត្រូវបានសាងសង់។

ក្នុងនោះផងដែរ ផ្ទះក្នុងក្តីសុបិន្តរបស់នាងមានតម្លៃជាង ៨០ លានបាត ប្រហែល ២,៤ លានដុល្លារ។

៣.Zommarie

តារាចម្រៀង និងជាតារាសម្តែងស្រីដ៏ស្រស់ស្អាតម្នាក់ឈ្មោះ Zommarie ថ្មីៗនេះបានបង្ហាញផ្ទះថ្មីរបស់នាងនៅលើវីដេអូ Vlog ថ្មី។ នៅក្នុងវីដេអូនាង ក្រុមនិងអ្នករចនាផ្ទៃខាងក្នុងបានរៀបចំគ្រឿងសង្ហារឹមនៅក្នុងផ្ទះរបស់នាង ជាលទ្ធផលផ្ទះមើលទៅអស្ចារ្យណាស់។

ជាមួយគ្នានេះដែរ អ្នកគាំទ្រក៏ចូលរួមអបអរសាទរដល់ពួកគេទាំងអស់សម្រាប់ផ្ទះថ្មីរបស់ពួកគេផងដែរ៕

ប្រភព៖thaiupdate

• តារាថៃ